Мени
Дома
Арт
Зошто музиката предизвикува морници?
Модни трендови што треба да исчезнат во 2021
Серија што не се пропушта : The OA (Original Angel)
Нови книги за уметност
Мода
Филм
Уметност
Музика
Серии
Фотографија
Литература
Здравје
Дали примањето (додатоци) суплементи од минерали и витамини е секогаш добро?
Зумба – фитнес-танцување
Храна што не може да ве здебели
Црвено вино за добар сон
Храна
Нега
Вежбање
Живот
Дали е во ред вашето куче да спие во вашиот кревет?
Еван Рејчел Вуд и други жени го обвинија Мерилин Менсон за злоупотреба
Канцелариската работа од 9 до 17 е на раб на исчезнување
Шицу, нежно куче за нежни сопственици
Каскадер
Колумна
Интервју
Духовна гимнастика
Љубов
Психологија
Есенција
Технологија
За нас
Импресум
Контакт
Ново
Премиера на серијата “The One” на Нетфликс
март 13, 2021
Серии
Љубителите на научно-фантастични серии ќе имаат можност, идната недела, премиерно да ја гледаат британската серија “The One” на Нетфликс. Серијата е базирана врз истоимената книга на Џон Марс. Серијата обработува интересна тема, а тоа е наоѓање на “вистинска љубов” брз база на човечката ДНК. Приказната се темели на пријателството на тројца научници и идејата да создадат апликација преку која секој човек на планетата (давајќи материјал за ДНК анализа) може да си го најде својот “match” односно сродна душа. Нивните планови излегуваат од контрола и почнуваат да се случуваат многу невообичаени работи бидејќи човечката природа е многу комплицирана. Серијата ги истражува разорните последици од неконтролираниот технолошки напредок. Продуцент на серијата е Хауард Оверман, а улогите ги толкуваат Хана Вер, Димитри Леонидас и Амир Ел Мазри....
Мода со познати мачки
март 12, 2021
Мода
Miu Miu објави ексклузивна линија од пет нови маици со некои од омилените мачки што ги знаеме од филмот. Секоја маичка има отпечатена фотографија, заедно со замаглување на текстот, објаснувајќи зошто овие мачиња се толку иконски. Мачките што се употребени како принтови играат главни улоги во филмови, во колекцијата се вклучени: Џејк, вонземната мачка од американската научно-фантастична комедија од 1978 година, „Мачката од вселената“, Џонзи, потоа портокаловата мачка-жител на несреќниот USCSS Ностромо во блокбастерот во 1979 година “Вонземјанин” Вклучени се и мачките што зборуваат од Pretty Guardian Sailor Moon, потоа безимената мачка во „Кум“ на Френсис Форд Копола како и Том и Џери на Хана Барбера. Трендот брзо ги зарази трендсетерите во светот, но и креативните поединци што бро се упатија кон фото-дизајн студијата што изработуваат маички по желба, па почнаа да си додаваат свои омилени ликови. Некои љубители на животни си направија и маички со своите сопствени мачки, издизајнирани по свој вкус....
Зошто е добро да го знаете својот Мајерс-Бригс тип?
март 11, 2021
Психологија
Мајерс-Бригсовиот индикатор (MBTI) е распространет низ светот и најчесто се користи како прашалник за одредување на типот на личност.Карл Јунг ги развил типовите на личност, а потоа тестот на Мајерс Бригс бил дизајниран за точно да ги процени. Така луѓето се класифицираат како екстровертни или интровертни, се служат само со сетилата или и со интуицијата, размислуваат или чувстваат и судат или перципираат. Зошто е добро да го знаете својот тип според Мајерс-Бригсовиот индикатор? Кога секој би го познавал својот тип на личност, тогаш би можел соодветно да избере кариера и во истата да напредува. Класификацијата помага и при вреднување и одржување на пријателствата, воспитувањето на децата, како и при збогатувањето на социјалниот и на романтичниот живот. Ако сте ЕНФП, на пример, вашата кариера треба да се одвива во сосема друг правец од кариерата на типот на личност ИСТЈ. Лицата со ЕНФП се екстровертни, чувствителни, сонувачи, артистични и топли. Тие би биле исклучително несреќни на работно место што бара сериозна посветеност на деталите, рутинско повторување на задачите, создавање табели и работни места со ригидна хиерархија како во полиција и во војска.А ИСТЈ, пак, се интровертни, ладни, размислуваат за детали, многу стабилни, здодевно им е кога имаат премногу слободно време, не се креативни, туку склони кон рационално размислување и не би можеле да се снајдат во креативни професии, туку како сметководители, финансиски аналитичари, финансиски инспектори, финансиски директори итн. Според ова, за една компанија или институција е многу корисно при вработување да го користат овој тест бидејќи е опсежен и ќе им даде насоки дали кандидатот е погоден за работното што е огласено. Лицата ЕНФП не би сакале да ви се на позиција сметководител, а од друга страна, пак, вашата креативна кампања за некој нов производ не би сакале да ја доверите на некој што е ИСТЈ од Мајерс-Бригсовиот модел. https://www.16personalities.com Резултатите се изработуваат по моделот на институтот Мајер-Бригс и тоа веднаш. Инаку, пресметувањето на типот на личност според Мајер-Бригс е многу едноставно, но кандидатот треба да има солидно познавање на англискиот јазик со цел подетално да ги разбере прашањата во овој прашалник....
Дали примањето (додатоци) суплементи од минерали и витамини е секогаш добро?
март 10, 2021
Здравје
Прашањето дали и колку да пиеме витамин Ц, магнезиум, цинк, витамин Б итн. постојано се поставува, особено во ова време на пандемија. За жал одговорот не е едноставен. Сите додатоци на витамини и минерали, за да бидат соодветни на уникатноста на секој засебен човечки организам, треба да се примаат според резултатите добиени од крвен тест. Тоа е секако идеалната варијанта за да дознае еден човек, како прво дали му треба додаток во исхраната, а како второ колку милиграми му е потребно од одреден витамин или минерал. Секој човек се храни различно. Токму затоа секој додаток (минерал или витамин) нема универзални својства, доколку се работи за куркума, ѓумбир или некој друг вид на додаток, во тој случај “универзалноста” на дејствувањето има определен рок (доколку се користат секојдневно).Овие суплементи можеби (речиси) секој може да ги конзумира, но во определен временски рок, всушност ако ги читате упатствата и самите производители обично го наведуваат ова. Дали може да наштетат?Генерално додатоците не може сериозно да му наштетат на човечкиот организам, но може да имаат скриени состојки што честопати не се наведени на етикетата. Исто така, треба да се запомни дека “природно” не значи секогаш здраво за секој човек поединечно.За некои поспецифични додатоци (гинко, кава) треба да се внимава, бидејќи за употреба на истите најдобро е препораката да дојде од лекар....
Авокадо – изобилство љубов
февруари 26, 2021
Храна
Авокадото може да се најде речиси насекаде – од продавници за храна, пазари, па се до рецепти за пудинг од чоколадо.Некогаш се сметаше за деликатес, ова зелено овошје сега е вообичаен додаток на менијата насекаде низ целиот свет.Љубовната врска на луѓето со авокадото е особено силна во последните неколку години.Авокадото е зимзелено, тропско дрво, овошјето е во облик на круша, густо и хранливо. Терминот авокадо се однесува и на дрвото и на овошјето.Авокадото постои во стотици различни сорти. И дрвото е член на семејството на цветни растенија, лорацеа. Самиот плод технички е бобинка која содржи едно големо семе. Иако не се слатки, авокадото е задоволувачка и разноврсна храна со кремаста, путер текстура. Има богат вкус и содржи многу маснотии.Авокадото нуди изобилство на растителни влакна, калиум (повеќе од банана) витамини Б6 и Ц. Исто така, богато е со фолати, кои можат да го зголемат расположението на човекот.Но, на кој било начин да го исечете, хранливите материи што ги нуди авокадото се пред се маснотиите. Всушност, една чаша авокадо обезбедува 21 грам маснотии. Типот на маснотија што се наоѓа во авокадото, е исклучително здрава и затоа ова овошје е многу важно. И тоа е претежно мешавина од мононезаситени и полинезаситени масти.Полинезаситените масти се неопходни. Ова значи дека тие се неопходни за функционирање на вашето тело. Телото на човекот ги користи овие масти за да изгради клеточни мембрани. И тие се исто така потребни здравјето на крвта и движењето на мускулите. Мононезаситените масти се слични на мастите кои се наоѓаат во маслиновото масло. Некои студии ги поврзуваат со намалено воспаление, помал ризик од срцеви заболувања и антиканцерогени ефекти. Авокадото не само што е вкусно – туку содржи и прекрасна и хранлива симфонија на компоненти кои се комбинираат за да го негуваат човечкото тело. И за разлика од маслото од авокадо, една чаша свежо авокадо обезбедува 10 грама растителни влакна. Плус, авокадото има малку пестицидиСпоред работната група за животна средина (EWG), авокадото е едно од најчистите 15 овошја и зеленчуци. (Список на производи со најмала веројатност да содржат остатоци од пестициди.) Помалку од еден процент од конвенционалните авокада биле позитивни на пестициди.Значи, ако не можете да си дозволите органски одгледувани авокадо, можете да изберете конвенционално одгледувани сорти без поголемо изложување на пестициди.За кого не е добро авокадото?Луѓето што патат од мигрени не треба да конзумираат авокадо бидејќи некои студии покажале дека одредени фактори придонесуваат за овие пациенти да имаат главоболка....
Дали е во ред вашето куче да спие во вашиот кревет?
февруари 21, 2021
Живот
Пред да му дозволите на кученцето да спие во вашиот кревет, треба да земете предвид повеќе фактори. Колку и да ви се чини дека е добра или лоша идеја, кога имате домашно милениче треба да се информирате за секоја важна одлука пред да преземете важен чекор.Спиењето на кучето со сопственикот (особено во иста соба) не е воопшто нешто модерно, напротив – постои со векови во старите култури, особено кај Абориџините, кои сметале дека кучињата не им дозволуваат на злите духови да напаѓаат навечер. Од модерна перспектива, спиењето на кучето со својот газда, всушност, има придобивки за емотивното здравје и за приврзаноста на кучето, но влијае и на расположението на човекот. Но, пред да му речете опа! на вашиот миленик за на креветот, треба да знаете и кои критериуми се важни за да може вие и вашето куче да бидете безбедни при усогласување на спиењето. Големинaта на креветотДоколку нема доволно простор на креветот, нерационално е да го поканите кучето да се турка со вас на толку мал простор. Екстремно е важно и колку е висок вашиот кревет – доколку е висок, а вие имате кученце од мала раса, голема е веројатноста при редовно скокање од креветот на тврдиот под кучето да се повреди или по извесно време да развие проблеми поврзани со зглобовите, коските или со мускулите. Ако веќе сте ја направиле оваа грешка и кучето веќе спие на вашиот висок кревет, ќе мора да ставите нешто меко до креветот за да се ублажи падот при секојдневниот скок на кучето врз тврдиот под. Големината на кучетоАко имате куче од голема или екстремно голема раса, треба да имате предвид дека кучето ќе заземе голем дел од вашиот кревет. Ако имате куче од мала раса, тогаш уште посериозно треба да размислите за здравјето на кучето, малети кучиња многу лесно може да ги задушите доколку се пикнат под покривката, а во текот на ноќта вие не можете да го контролирате нивното движење. Ако веќе сте ја направиле оваа грешка, тогаш морате да се посветите да го дресирате кучето да спие исклучиво на еден дел од креветот и никако под покривката. Најдобро е да му купите убав кучешки мек кревет и да го поставите до вашиот кревет, каде кученцето ќе ја чувствува вашата смиреност од конфорот и ќе биде безбедно. АлергииАлергиите на кучешки влакна секако се огромен проблем за сопствениците, независно дали кучето спие во ист кревет со нив. Но, кога станува збор за делење на креветот, тогаш имаат проблем и луѓето што се алергични на полен, прав итн. Сепак кучето во своето крзно ги собира овие алергени и, доколку веќе спиете со кученцето, ќе морате почесто да го бањате, на два дена да менувате постелнина и секојдневно да го џогирате подот бидејќи во шепите кученцето ја собира секоја прашинка од подот. ...
Jога и медитација и нивна поврзаност
февруари 20, 2021
Вежбање
Јогата и медитацијата се меѓусебно поврзани. Со нивно редовно и посветено практикување се достигнува состојба на хармонија помеѓу телото и умот. Се подобрува здравјето кај човекот на физичко, ментално и на спиритуално ниво.Во индиската традиција, од каде што јогата и потекнува, таа е повеќе од физичка практика и има медитативно и духовно јадро. Во јогата положбите на телото (јога-пози) се нарекуваат асани. Асаните се одличен начин да се подготви телото за медитација. Тие се дизајнирани за систематско подготвување на телото за медитација. Во денешно време врската на медитацијата со јогата се’ поретко се споменува и се обрнува повеќе внимание на физичкиот аспект.Медитацијата не е лесна за поголемиот дел од луѓето и поголемиот број од нив откриваат дека медитацијата е потешка од што можеле да замислат. Но, колку тешко би можело да биде?Да, кога седиме исправено и мирно подолго време, може да се почувствуваме прилично непријатно. Седењето исправено со прав грб бара активација на мускули кои можеби не ги користиме доволно и потребно е време за нивен развој. Преку изведување на асаните помагаме да се насочи енергијата во ‘рбетот и нагоре кон мозокот, кон повисоките чакри, да се разбуди и подигне нашата свест. Самата јога, ако се практикува редовно и посветено, претставува медитација во движење. Асаните се изведуваат со потполна концентрација и свесност. Целото внимание е насочено навнатре кон себе, кон секој здив. Влегувањето и излегувањето од асаните е исто толку важно колку и самата асана. Во јогата го синхронизираме движењето со здивот, дишењето. Секој здив е важен и му дозволуваме на дишењето да го води телото. Кога здивот ќе го успориме, продолжиме и ќе го поврземе со движењето – стануваме смирени. Доаѓаме поблиску до една цел. Го задржуваме вниманието на сегашниот момент. Преку праксата ги зајакнуваме телото како и свеста, се подготвуваме за медитација.Како што тече здивот, така се движи умот. Со јога и со медитација ја подигнуваме нашата свест на повисоко ниво. Јогата ни помага да го доведеме телото до точка на мирување со расчистување на немирната енергија што ја носиме наоколу и не’ подготвува да запловиме во длабока концентрација, медитација.Медитацијата е една од осумте гранки на јогата и тие одат рака подрака. Често се користи за расчистување на умот, ослободување од многубројни здравствени проблеми како што се висок крвен притисок, депресија, анксиозност. Може да се практикува во седечка положба: поза на лотос, турско седење или на колена, со дланките на колена или поставени под папокот. Mедитацијата има смирувачки ефект и ја насочува будноста навнатре додека не се постигне здрава свест што е опишана како:- Да се биде буден однатре, без да се биде свесен за што било друго.Намасте! Марина СтојкоскаСертифициран учител по јога...
Еван Рејчел Вуд и други жени го обвинија Мерилин Менсон за злоупотреба
февруари 19, 2021
Живот / Филм
– Тој ужасно ме злоупотребуваше со години – изјави актерката Еван Рејчел Вуд, a кон овие обвинувања и’ се приклучија уште поранешни девојки на рокерот.Во минатото, актерката и активистка Еван Рејчел Вуд зборуваше за наводната злоупотреба што и’ ја нанел неименуван поранешен партнер. Во објава на Инстаграм, рано во понеделникот наутро, таа стави име на обвинувањата: – Името на злосторникот што ме силуваше е Брајан Ворнер, исто така, познат во светот како Мерилин Менсон – напиша Вуд. – Почна да ме манипулира кога бев тинејџерка и ужасно ме малтретираше со години. Бев буквално со испран мозок и изманипулирана за да му се потчинам. Постојано живеев во страв од одмазда, клевета или уцена од негова страна. Се решив да го разоткријам овој опасен човек и да повикам многу индустрии што тоа на индиректен начин му го овозможуваат, да го спречам пред да уништи и други животи. Јас стојам меѓу многубројните жртви кои повеќе нема да молчат – додаде Вуд. Во знак на солидарност, најмалку уште четири жени објавија свои обвинувања против Менсон, во детали за вознемирувачките искуства за кои тврдат дека тој извршил сексуални напади, психолошка злоупотреба и / или разни форми на принуда, насилство и заплашување. Откако брзо беше отфрлен од издавачката куќа Лома виста и отсечен од ТВ-серија, Менсон објави изјава на својот профил на Инстаграм, упатувајќи огромно негирање без да се обрати на некои од конкретните обвинувања на жените:- Очигледно, мојата уметност и мојот живот долго беа магнет за контроверзи, но овие неодамнешни тврдења за мене се ужасни нарушувања на реалноста. Моите интимни врски отсекогаш биле целосно консензуални со партнери истомисленици. Без оглед на тоа како – и зошто – другите сега избираат погрешно да го претстават минатото, тоа е вистинатата. Вуд, која сега има 33 години, настапува во серијата Вестворлд на ХБО, рече дека таа била во шок за да знае што и’ се случува во врската со рокерот, бидејќи имала само 18 години, а Менсон имал 36 години. Во 2018 година, Вуд сведочеше пред поткомитетот на Судскиот дом, како поддршка на жртвите на сексуални напади. – Предлог-законот беше усвоен во сите 50 држави. Моето искуство со семејно насилство беше ова: токсично ментално, физичко и сексуално злоупотребување, кое започна бавно, но ескалираше со текот на времето, вклучително и закани по мојот живот, силни манипулации и перење мозок, будење до човекот што тврдеше дека ме сака, силувајќи ме бидејќи веруваше дека така го буди моето несвесно тело – му рече таа на поткомитетот, иако тогаш не именуваше сторител. Во 2009 година, во една статија во Спин, Менсон беше цитиран како рекол за Вуд: – Секој ден имам фантазии како со чекан и’ го кршам черепот.Минатата година, кога тој коментар беше изнесен од музички новинар, публицистот на Менсон изјавил дека тоа било само перформанс, театрална изјава и нема врска со реалноста.Актерката доби поддршка и од други жртви на 52-годишниот рокер, но и од други жени во светот. Во едно интервју во 2019 година, Вуд рече: – Порано мислев дека силниот човек не може да влијае. И сега, за мене, да се биде силен е да се остави болката да влијае на вас, да живееме покрај болката и да ја видиме, да одиме низ неа, да ја пуштиме да тече низ нас и да дозволиме да помине. И кога сме скршени треба да сме силни....
Канцелариската работа од 9 до 17 е на раб на исчезнување
февруари 18, 2021
Живот
Најновите истражувања во индустријата, по пандемијата 2020 и после менувањето на работните текови, (онлајн-работењето и создавањето што помали тимови за завршување на работните задачи) светот се соочува со една корпулентна промена, а тоа е речиси целосно исчезнување на традиционалната канцелариска работа од 9 до 17 часот. Океан-системите во светот заминаа во заборав. Според нoвите архитектонски решенија, за еден човек треба да се обезбедат повеќе квадратни метри. Одделите треба да имаат што помалку (физички) вработени лица, што повеќе (онлајн) вработени. Високите деловни згради станаа комплетно нефункционални бидејќи во лифтовите се туркаат многу вработени, а тоа ниту сега, ниту во иднина ја гарантира здравствената безбедност на вработените. Луис Баркер, одговорен за менаџирање на деловен простор во Сервис нау, смета дека во огромен процент враќањето на вработените во канцеларија нема да има ниту во иднина. Тој смета дека флексибилноста на физичкото движење и присуството ќе станат основен услов што компаниите во иднина (почнувајќи од 2020 година) ќе мора да го овозможат. Тоа значи задолжителен ИТ-сектор за масовна поддршка на вработените што работат и целокупна дигитализација на речиси секој сегмент од работењето. Не верувам дека во иднина компаниите ќе можат да најдат канцелариски работник што ќе го условат со физичко присуство (доколку природата на работата не го бара тоа). Оваа година се докажа дека физичкото присуство за да се заврши некоја работа е минимално потребно, само за неопходни дејствија, што е само мала порција од целокупното работно време – вели тој. Се смета дека, покрај вештачката интелигенција и веќе познатите дигитални и технолошки солуции, во подем е и виртуелната реалност како опција за идни работни обврски, доколку е возможно да се инкорпорира во дејноста. ...
Шицу, нежно куче за нежни сопственици
февруари 17, 2021
Актуелно / Живот
Приврзан, разигран и социјализиран, шицу е кинеска раса чија задача е да биде сладок и токму тоа е неговиот начин на живот. Овој жив шармер е особено приврзан за децата. Како мала раса на куче одгледувано да го поминува поголемиот дел од својот ден во кралските палати, шицу е одлично милениче ако живеете во стан или сте во куќа, но со мал двор. Некои кучиња живеат да копаат дупки и да бркаат мачки, но идејата за забава на шицу е да седи во скут, да биде пресладок и да се гали додека гледате телевизија.Кога ќе се решите да го вдомите овој убавец, треба убаво да се информирате за висококвалитетна храна за кучиња бидејќи за оваа раса храната е исклучително важна. Без разлика дали храната е комерцијално произведена или во домашни услови, треба да се консултирате со вашиот ветеринар. Секоја исхрана треба да биде соодветна за возраста на кучето (кученце, возрасно или постаро). Некои кучиња се склони кон прекумерна тежина, затоа внимавајте на потрошувачката на калории и нивото на телесната тежина на вашето куче. Кучешките десерти (treats) може да бидат важна помош при обука и дресура на кучето, но дозволувањето да изеде премногу може да предизвика дебелина. Дознајте која човечка храна е безбедна за кучињата, а која строго забранета. Проверете кај вашиот ветеринар ако имате какви било проблеми во врска со тежината или со исхраната на вашето куче. Чиста, свежа вода треба да биде достапна во секое време. Името „шицу“ значи мал лав, но нема ништо жестоко во врска со оваа раса на кучиња. Ова кученце е за размазување, а не е за одење во лов. Одгледувани единствено да бидат придружници, шицу се приврзани, среќни кучиња што единствено сакаат да ги следат своите луѓе од соба во соба. Уште од античко време, тие се чувствувале пријатно во скутот на луѓето од сите сфери на животот, дури и во скутот на императорите! Тие се одлични семејни миленици кои се согласуваат со другите животни, па дури и со децата, доколку децата знаат како нежно да се справат и да си играат со ова мало, кревко кутре. Ако барате мал најдобар другар, кој може да се приспособи на живеење во стан, да ви се придружи на каучот за да се гушкате и да ве облева со безусловна љубов – ова може да биде вистинскиот избор на куче за вас....
7 докажани здравствени придобивки на коренот женшен.
февруари 16, 2021
Храна
Женшенот се користи во традиционалната кинеска медицина со векови. Ова бавно растечко растение со месести корени може да се класифицира на три начина, во зависност од тоа колку долго се одгледува: свеж, бел или црвен.Свежиот женшен се бере пред растението да биде 4 години старо, додека белиот женшен се бере помеѓу 4-6 години, а црвениот женшен се бере по 6 или повеќе години. Постојат многу видови на оваа билка, но најпопуларни се американскиот женшен (Panax quinquefolius) и азискиот женшен (Panax ginseng). Американскиот и азискиот женшен се разликуваат во нивната концентрација на активни соединенија и ефекти врз телото. Се верува дека американскиот женшен работи како релаксирачки агенс, додека азиската сорта има енергетски ефект врз човечкото тело.Жешенот е одличен за мозокот, во една студија се следеле 30 здрави луѓе, кои конзумирале по 200 мг панакс женшен дневно, четири недели. На крајот од студијата, тие покажале исклучително подобрување на менталното здравје, социјалното функционирање и расположението. Сепак, овие придобивки престанеле да бидат значителни по 8 недели, што укажува на тоа дека ефектите од женшен може да се намалат со продолжена употреба.Ова се најважните 7 придобивки на женшенот:· Потентен антиоксиданс што може да ја намали воспалението во телото.· Може да ја подобри функцијата на мозокот.· Може да помогне при еректилната дисфункција и поткревање на либидото кај жени во менопауза.· Може да го зајакне имунолошкиот систем.· Може да има потенцијални придобивки за спречување канцер.· Може да се бори против уморот и да ги зголеми нивоата на енергија.· Помага при намалување на шеќерот во крвта....
Зумба – фитнес-танцување
февруари 15, 2021
Вежбање / Здравје
Во овие мрачни зимски денови веројатноста да посакате да станете од каучот е многу мала, а да не зборуваме за вежбање или за спортски активности. Сепак, зумбата е, можеби, активност што ќе ве развесели и ќе ви го зголеми ентузијазмот за размрдување на телото. Зумба е програма за фитнес, вежби создадени од познатиот колумбиски танчар и кореограф Алберто Перез-Берто во текот на 90-тите години на минатиот век. Зумба е, всушност, трговска марка во сопственост на Зумба-фитнес ДОО. Бразилската поп-пејачка Клаудија Лејт стана меѓународна амбасадорка во Зумба-фитнесот.Зумбата е начин и да се справите со вишокот килограми. Се смета дека е возможно да согорите помеѓу 300 и 900 калории за време на еден час зумба со среден и висок интензитет. Симона Ристовска, се занимава со фитнес веќе 10 години, а две години е инструктор по зумба-фитнес во танцовата школа ,,Данса латина Стефи” ни раскажува за зумбата:- За мене љубовта кон танцот постои откако знам за себе. Уште од мали нозе започнав со латинотанци (самба, румба, ча ча ча) а потоа се занимавав со карипски танци (кубанска салса, бавчата, руеда, регетон танц) и на крај со зумба. Танцот е најдобра вежба за вашето тело. Зумба-фитнес е програма која е погодена за сите возрасни групи (млади или постари, па дури и децата може да ја практикуваат), независно од тоа во каква физичка кондиција сте, дали имате или немате искуство во танцување. Зумба-фитнесот е програма која е погодена за сите возрасни групи (млади или постари, па дури и децата може да ја практикуваат) , независно од тоа во каква физичка кондиција сте, дали имате или немате искуство во танцување. Зумбата е програма на аеробни вежби каде што се вклучени елементи на танцување т.е. комбинација на основни чекори од танците кои се применуваат на латинска и на интернационална музика, вежби за сите мускулни групи и целосно истегнување, со цел да се направи вежбањето забавно. Зумбата на посебен и на позитивен начин влијае врз вежбачите. Мојата вообичаена зумба-сесија трае околу 60 минути односно 1 час. На почетокот започнува со загревање, а потоа следи бум на брзите и бавни ритми, овозможувајќи голем кардио-тренинг, потоа се изведуваат вежби за зацврстување на сите мускулни групи и на крај со истегнување. Придобивките од зумба-фитнесот кој што ги добивате се: раздвижување на целото тело – не се фокусирате на одреден дел од телото, туку постојано се движите со цело тело во ритамот на музиката; согорување на калории – односно губење на вишокот килограми; ги дефинира мускулите – помага за активирање на сите мускули во вашето тело и нивно затегнување и тонирање; кондиција – комбинацијата на фитнес и танцови движења со сигурност ќе ве одржува во добра кондиција; многу позитивна енергија и насмеани лица – помага во исфрлање на целата негативна енергија и е антистресна терапија, на крајот од тренингот добивате чуство на задоволство, среќа и полна сала насмеани и позитивни лица.Ова се’ заедно е еден голем микс на забава во кој треба да се приклучите и да градите здрави навики низ ритамот на музиката. Танцот е навистина една од најдобрите вежба за човечкото тело....
Земјата се вртеше најбрзо во 2020 година
февруари 9, 2021
Актуелно / Технологија
Иако се уште постојат луѓе кои мислат дека Земјата е рамна, сепак ќе се вратиме на старата добра наука која одамна докажала дека „Земјата сепак се врти“. Според неодамнешните пресметки, во 2020 година, нашата планета се вртела за неколку милисекунди побрзо од вообичаеното и тоа во цели 28 дена. Тоа значи дека во 2020 година во 28 дена Земјата се вртела најбрзо од далечната 1960 година, што значи лани сме се вртеле најбрзо во последните 60 години. Сепак ова не е никаков проблем или нешто што треба да не загрижува, бидејќи брзината на ротација на Земјата околу својата оска постојано варира под влијание на промените во атмосферскиот притисок, ветровите, океанските и морските струи и движењата на јадрото на нашата планета. Ние секако тоа не можеме да го забележиме и не претставува никаков проблем за човекот, освен што ги загрижува тие кои мислат дека нашата планета е рамна. Ваквото минимално зголемување или намалување на брзината може да биде проблематично за ултра-прецизните атомски часовници, кои го мерат Координираното универзално време (UTC), кое е основа за цивилното време во светот и според кое ги поставуваме нашите часовници. Кога ротацијата на Земјата отстапува од UTC за повеќе од 0,4 секунди, тогаш започнуваат прилагодувањата. Досега, за време на прилагодувањата, кои обично се вршат кон крајот на јуни или декември, главно се додаваат „престапни секунди“ за усогласување на UTC со астрономското време. Од 1972 година се вршат корекции приближно секоја година и половина. Последното вакво прилагодување беше во 2016 година, кога една нова „секунда“ беше додадена на новогодишната ноќ во 23:59 часот и 59 минути. Но, минатата година, работите се одвиваа поинаку и сега научниците размислуваат за прв пат да одземат една секунда од UTC. Имено, денот трае во просек 86.400 секунди, но според пресметките, астрономскиот ден во 2021 година ќе биде пократок за 0,05 милисекунди во просек. На крајот на годината, тоа може да биде вкупно заостанување од 19 милисекунди. Минатата година имавме 28 побрзи денови од најбрзата 2005 година. Ако стапката на ротација на Земјата и натаму остане забрзана, можно е да биденаправен негативен скок во една секунда. Иднината на престапните секунди се дискутира на меѓународно ниво, па е можно потребата од негативен скок во секунда да предизвика и одлука за укинување на престапните секунди. Астрономски гледано, Земјата го сруши претходниот рекорд за најкраток астрономски ден поставен во 2005 година 28 пати минатата година. Во текот на најкраткиот ден од 2005 година, 5 јули, нашата планета се вртеше околу својата оска 0,0516 милисекунди побрзо од просечните 86,400 секунди. Од друга страна, најкраткиот ден во 2020 година беше 19 јули, кога планетата ја заврши својата ротација 1,4602 милисекунди побрзо од просекот...
Најлошите особини во една љубовна врска
февруари 7, 2021
Љубов
Кога сме во љубовна врска честопати се фокусираме на конекцијата и на особините на партнерот, што овозможуваат таа конекција да има тек и да ни предизвикува убаво чувство. Честопати забораваме дека за да имаме успешна љубовна врска треба да се фокусираме на особините што ние ги поседуваме (карактерно) и компатибилноста со личните карактерни особини на партнерот. Што значи ова? Ова значи дека доколку ние имаме карактерна особина, да речеме, импулсивност, за да може да има тек и успешност една љубовна врска – партнерот, би требало, да ја нема оваа особина, односно да има спротивна карактерна особина како, на пример, промисленост. Може да ја земеме и обратната ситуација – доколку двајцата партнери имаат промисленост, во тој случај врската нема да има игривост, нема да има целосно отворање на партнерите еден кон друг (бидејќи нема да има искра тоа да се случи) и честопати ваквата врска може брзо да стане исклучително монотона (бидејќи ниту еден од партнерите не е природно спонтан). Монотоноста и не е најлошото што може да се случи во ваков пример на врска, туку меѓусебната манипулативност и крајната неискреност на двајца партнери со карактерна особина промисленост. Со овие два примера, всушност, гледаме дека одредени ,,негативни” особини на партнерите не се општо негативни, туку се негативни во контекст на одредена љубовна врска. Во друг контекст тие се ,,лепило” на романтичните текови и нивното непрекинато течење. Е, сега, прашањето е дали постојат одредени негативни особини што еден човек може да ги поседува, а се општо деструктивни за речиси секоја љубовна врска, во комбинација со многу видови карактери и карактерни особини. Кои се тие особини што ќе ја уништат речиси секоја љубовна врска, независно од карактерот и од темпераментот на партнерот. Тврдоглавост. Според дефиницијата на тоа што е тврдоглавост стои следното: ,,Останување на одреден став и покрај реални, рационални докази за спротивен став”. Оваа особина нема ,,компатибилна” карактерна особина. Се работи за нерационално терање на одредено однесување, став и сл., и покрај доказите дека спротивното е подобро, поважно, порационално итн. Луѓето кои, за жал, ја поседуваат оваа особина се оние што водат самодеструктивни животи и честопати многу им наштетуваат на најблиските. Хиперсензитивност. Преголема чувствителност што води дури до анксиозност и до невротичност. Овие луѓе важат за самосаботери и честопати живеат неквалитетен живот, завршуваат во врска со партнери што не ги почитуваат (и обратно) и не се во можност да изградат темел, што е основа на секоја љубовна врска, од каде што ќе произлезат вистински вредности како за самата личност, така и за партнерот. Нелојалност. Оваа карактерна особина во себе инкорпорира неколку негативни однесувања, што тешко може да најдат компатибилност со кој било партнер, независно од карактерот. Основно однесување кога некој ја поседува оваа особина е лажењето, што 99 проценти од луѓето, многу брзо, ќе побараат начин да излезат од таа љубовна врска или однос. Животот со човек што ја поседува оваа карактерна особина навистина може да стане ноќна мора. Партнерите на луѓето со оваа карактерна особина се оние што навистина ,,минале низ пекол” и со години живееле во лага. Овие сознанија се можеби едни од најтешките некој да ги испроцесира и надмине во текот на својот живот. Нелојалноста произведува и основна негрижа за најблиските и за нивна добробит. Нелојалните партнери, всушност, се луѓе што самите живеат во лага и за да преживеат мораат секојдневно себеси да се убедат дека светот каде што битисуваат е ,,добар”, дека ,,им служи” и, на крајот, дека е ,,вистински” – што е најпогубното сознание за овие луѓе кога во еден момент од животот ќе мора да се соочат со вистината дека светот што го ,,изградиле” е, всушност, обична кула од карти....
Работилница за креативно пишување
февруари 7, 2021
Литература
Александра Димитрова, почнувајќи од 01 март 2021 ќе започне со online Работилница за креативно пишување. Заинтересираните можат да добијат повеќе информации на: следниот линк или на блогот: https://kreativnopisuvanje.blogspot.com Д-р. АЛЕКСАНДРА ДИМИТРОВА магистрирала на катедрата за Македонска книжевност на Филолошкиот факултет и под менторство на професор Д-р. Кристина Николовска со магистерската теза со наслов „Постмодернистичките стапици во драмите на Горан Стефановски“. Докторирала на катедрата за Македонска книжевност на Филолошкиот факултет и под менторство на професор Д-р. Кристина Николовска со докторската теза со наслов „ Аспекти на комичното во драмите на Венко Андоновски “. Започнува да објавува песни 1998 година во списанието на студентите на Филолошкиот факултет „Мугри“, а подоцна и во списанијата „Lettre International“ и „Стремеж“. Нејзината прва збирка под наслов „Вежби за правилно дишење“ излегува од печат во 2002 година од книгоиздателството Макавеј, Скопје. Втората збирка ја објавува самостојно, во 2004 година, како дел од заеднички ликовно-книжевен проект со академската сликарка Марија Николоска Наневска, под наслов „Јас-Ти“, поставен на 12 октомври 2004 година во Музејот на Град Скопје. Третата збирка, под наслов „Божица на подивените мачки“ ја објавува за Блесок, во 2008 година, а една година подоцна во истата издавачка куќа ја издава четвртата збирка со наслов „Во аквариумот на Барби“. Во 2012 година Блесок ја издаде нејзината магистерска теза „Постмодернистичките стапици во драмите на Горан Стефановски“. Во 2019 година ја добива престижжната годишна награда за поезија „Антево Перо“ за стихозбирката „Дупка“, која е објавена преку издавачката куќа „Три“. Нејзината поезија е преведена германски јазик во електронското списание Словокулт- http://www.slovokult.de/index.php?/pages/lyrik-dimitrova.html и на англиски јазик во електронското списание Блесок. Во 2009 била дел од проектот Word Express во рамки на кој нејзината поезија била преведена на турски и српски јазик. Александра Димитрова освен поезија пишува и проза, како и книжевна критика. Автор е на блогот – www.bonbonce.blogspot.com, каде е објавен дел од нејзината поезија, како и на блогот https://booksrecomendedbysash.blogspot.com, каде се објавени нејзини критики на книги од познати светски автори. Истите се објавувани во различни списанија за култура. ...
Што значи да се биде родител?
февруари 3, 2021
Духовна гимнастика / Психологија
И покрај сфаќањата на многумина дека е ,,интересно” да се има деца, всушност, не сфаќаат дека родителството е голема одговорност.Родителот е одговорен за подигање на една индивидуа до нејзина зрелост и целта на родителот е да создаде вреден член на заедницата. Овој потфат бара грижа, многу љубов, разбирање и можност децата да останат на вистинскиот пат. Ако родителот се труди се’ да прави правилно, тоа е една од најтешките работи што еден човек може да ги направи во својот живот, но, исто така, ќе биде и најголемата награда што може да си ја замисли. Вистинските родители ги сакаат своите деца. Што е тоа да сакаш? Љубовта во родителството оди подалеку од обична грижа за децата. Тоа значи дека постојано се грижите за иднината на детето, како и за сегашноста и она што го опкружува детето. Родителот будно ги набљудува децата кога се болни или вознемирени, постојано се грижи за нив кога нивните чувства се повредени, распоредот за другите нешта оди на второ место во однос на приоритетот да се помине време со децата. Секако и заштитување на децата за да бидат безбедни постојано. Има родители што се борат со различни ментални нарушувања и многу често се случува да не бараат решение од стручни лица за своите проблеми, туку да се ,,истураат” на децата. Нашите системи не функционираат на толку високо ниво за да се заштитат децата од вакви несакани услови, па товарот е на другиот родител, на поширокото семејство, но, за жал, најчесто товарот паѓа врз самото дете што го поминува сиот живот како ,,боксерска вреќа” за овие родители што се борат со ментални нарушувања. Иако најчесто се смета дека страдаат децата од сиромашни средини, каде на родителите им е тешко да им овозможат услови за убав живот, истражувањата покажуваат дека најмногу страдаат децата што доаѓаат од семејства каде што едниот или двајцата родители имаат одредено ментално растројство. Уште потрагично е што во голем процент родителите со вакви нарушувања самите не се свесни за болеста или сметаат дека болеста е ,,дел од нивиот карактер”. Според Journal of family studies, истражувачите Томас Линдал и Род Калучи заклучиле: Анализата на транскриптите од интервјата со субјектите во истражувањето, открива дека некои родители претходно не размислувале како нивната ментална болест влијае на нивните семејства, особено на децатa, а таа несвесност е поврзана со количината на поддршка што ја добивале од партнерите или од другите членови на семејството. Родителите слушаат. Тоа е најважното нешто што еден родител треба да го направи за своето дете. На многу родители не им е јасен концептот на слушање, дури и кога се работи за здрави личности. Родителот мора да одвои време да ги разбере проблемите на сопствените деца. Слушајќи што има детето да каже, родителот може да му помогне преку прашања што се поврзани со конкретното нешто за што зборува детето без да му вметнува сопствени интереси и себична самопромоција. И покрај тоа што на родителот детските проблеми може да не му изгледаат тривијално, со тоа што покажува разбирање кон сопствените деца – децата на тој начин ја гледаат грижата за нив и за нивните животи. Родителот треба да се труди, колку што е можно, да им помогне на сопствените деца да ги надминат своите проблеми и доколку е потребно да најде најразлични начини, што се во негова можност, да им помогне на децата да дојдат до најдобро решение. ...
Previous
Next
Актуелно
Повеќето луѓе не се психопати, напротив, сакаат да излезат од вителот, но и да не ги повредат останатите.
јануари 6, 2021
Актуелно / Избор на уредникот / Интервју / Филм
Повеќето луѓе не се психопати, напротив, сакаат да излезат од вителот, но и да не ги повредат останатите. Иако поминаа неколку години, македонската публика, со радост го очекува да го гледа и на телевизиските програми. Последен пат се прикажуваше за оваа Нова година, а вљубениците во филмот не ја пропуштија шансата пак да го впијат ова филмско дело. За филмот “Исцелител” не зборуваа само македонските медиуми и не остана само во срцето на македонската публика. За филмот, објавија рецензии и светските филмски медиуми, како „Холивуд репортер“, „Варајети“, „Синеуропа“ и други.Најголемиот шарм на филмот “Исцелител” се непретенциозноста и искреноста, филм што балансира меѓу семејна драма, црна комедија и социјален коментар. Публиката вистински го сака, го дочека со овации и воодушевување на премиерата на Фестивалот на европски филм „Синедејс“, а не беше помалку прифатен и на Солунскиот филмски фестивал, каде што ја доби наградата Фишер од публиката, прва награда од ваков тип, за македонски филм.Мотивацијата за да го сними овој филм е страшната состојба на македонскиот здравствен систем, премрежјата на еден млад човек што се обидува да го спаси својот родител од рак, барајќи алтернативни методи на лекување со канабис, при што влегува во низа неволји со локалните дилери и соседите што започнуваат да го сметаат за “исцелител”. Со Ѓорче зборувавме за создавањето на филмот. За неговите премрежја, како режисер, сценарист и продуцент, да го донесе ова филмско дело пред македонската публика. Што е она што “Исцелител” го направи толку посебен за македонската публика па посетеноста беше во толку голем број? Не сум сигурен дали беше една работа. Веројатно спој на повеќе. Прво филмот зборува за обичниот човек кој се мачи со проблеми како распаднатото здравство, корупцијата и криминалот, почувствувани од повеќето луѓе кои живеат на овие диви простори. Дополнително, главниот јунак се обидува да излезе од тој негов лавиринт на еден мирољубив начин, без да повреди никого, што исто резонира со гледачите. Иако се растргнати со проблемите што ги имаат, а насилството понекогаш изгледа како ефикасен начин на решавање на проблемите, повеќето луѓе не се психопати, напротив, сакаат да излезат од вителот, но и да не ги повредат останатите. И на крај, за гледаноста дополнително беше клучна семејната приказна. Кој човек нема нешто да раскаже за своето семејство? Што ти падна најтешко во врска со создавањето на филмот? Изгледаше како да нема крај. Во стил на познатиот парадокс на Зенон, се чувствував како филмот да тргнал неколку стотина метри пред мене, а јас иако сум побрз, во моментот кога ќе стигнам до точката каде што тој се наоѓаше претходно, сфаќам дека тој поминал некакво мало растојание и сега не ми е на дофат. Потоа повторно ќе дадам сè од себе и навидум брзо ќе ја надоместам неговата предност, меѓутоа кога ќе стигнам таму каде беше пред малку, гледам дека сепак филмот се поместил уште една педа и така до недоглед. Како режисер и продуцент на филмот, најголемиот товар, финансиски и креативен падна на мојот грб. Јас бев гарантот на филмот, осигурителната полиса и не можев во ниеден миг да исчезнам од неговиот живот. Тоа ме истроши. Што ти беше најубавиот момент во врска со филмот? Моментот кога заврши снимањето на филмот за мене беше најубавиот момент од целиот процес. Многу се плашев од снимањето. Години пред да ја удриме првата клапа, ми го земаше сонот. Тоа е толку деликатен и комплициран потфат и многу нешта може да скршнат во погрешна насока. Прво, многу е скапо и тешко да се придвижи целата машинерија наречена снимање на игран филм. И кога ќе тргне, за жал, колку и да се добри подготовките, не зависи сè од тебе. Може да не се погодат временските прилики, може да се случат технички проблеми, здравствени, секакви. За среќа сè помина во најдобар можен ред и јас бев пресреќен. На што се должат многубројните награди во светот? Постои ли формула за да се создаде успешно филмско дело? Не мислам дека има формула. Често го гледаме тоа во Холивуд. И покрај нивниот шаблонски начин на раскажување кој би требало да предвиди успех, често се случува некој филм неочекувано да блесне иако никој не му давал сериозни шанси на почетокот. И обратно, постојат бројни филмови кои на хартија ветуваат успех заради нивниот избор на актери, големиот буџет и поддршката од големите дистрибуциски студија, а сепак филмот доживува неуспех на крај. Што те инспирираше да го снимиш филмот? Сметаш ли дека филмот има социјален импакт кога станува збор за лекувањето со канабис, во смисла менување на свеста кај јавноста во однос на растението? Инспирација ми беше животот кој го гледав околу мене. На пример се мачев со сериозни стомачни проблеми со месеци и движејќи се низ институциите јасно го видов распадот на македонското здравство. И тоа ме заболе. Носам и семејни лузни, израснат со самохрана мајка која се бореше со сиромаштијата, неправдите и патријархалното балканско размислување и тоа беше основата за семејната драма меѓу синот и таткото. Во однос на второто прашање, да бидам искрен не сум сигурен колку филмот ја смени перцепцијата за користењето на марихуаната. Знам неколку пријатели кои ми пренесоа дека филмот дефинитивно го сменил односот на нивните постари родители. Можеби поради хуморот и лесниот пристап, по гледањето на филмот тие веќе не гледаат осудувачки кон корисниците на марихуана. Еден другар дури ми спомна дека татко му се осмелил да проба џоинт на некоја домашна забава и убаво си поминал, се смеел и играл цела вечер. Дали успехот на “Исцелител” ти отвори врати за полесно остварување на идни проекти? Успехот има позитивни, но и негативни ефекти. Можам полесно да најдам пари, меѓутоа сум во зона на внимание. Очекувањата знаат да натежнат и да бидат дополнителен проблем. Со „Исцелител“ делував под радар да речам. Бев ослободен од големи очекувања. Сега очите се свртени кон мене и тоа ми пречи. Дали нешто му недостига на македонскиот филм? Би сакал да видам повеќе средства за развој на сценарија. Во оваа земја режисерите и сценаристите се принудени да работат друго за да преживеат. Веројатно како и повеќето. Меѓутоа има побарување за приказни. Сведоци сме на наплив млади режисери, кои имаат што да кажат, со свежи и храбри приказни кои освојуваат успеси на светските фестивали. Убаво би било да се искористи целиот тој успех и да се вложи таму кај што е најпотребно: во генерирање на идеи за филмови. Се надевам ќе се сменат работите и ќе се создаде издвоен буџет за развој на филмови. Ни спремаш ли нешто ново? Да. Еден долг филм, еден краток и многу фотографии. Очекувајте ме....
Џигер: Ритамот е нешто што сите го имаме во себе
ноември 30, 2020
Актуелно / Избор на уредникот / Интервју / Каскадер
Како човечки битија имаме срце и тоа чука во ритам Талентиран, искрен, човечен и опасно харизматичен. На 28-годишна возраст неговата кариера веќе има густа содржина, професионално се занимава со свирење тапани речиси цела деценија. Основач е на бендот „Bramha Amity Trio“ и е дел од бендовите „3Ject“ и „Musaiq“, а како „session“ музичар е дел и од „Next Time”. Последно го видовме на “Drum Fest” во МКЦ а за ова време-невреме вели дека се труди да остане со позитивна мисла и во добра физичка кондиција. А нешто последно, познато на јавноста, е песната “Ратата” во соработка со Тони Зен. Александар Ванчовски, во јавноста познат како Џигер, е млад македонски тапанар, што во последните неколку години блеска на македонската музичка сцена. Своето формално музичко образование го усовршува на џез академијата “Гоце Делчев” на одделот џез тапани, под палката на професор Алек Секуловски. Покрај творењето тој е и инструктор по тапани во Roma Rock School. Во април издаваат сингл со Bramha Amity Trio како најава за вториот албум со малку сменет состав од претходниот албум. Потоа се поканети со Гоце Стевковски да настапат на All About The Jazz со 3ject. Со 3ject свират и на Jazz Factory Festival во Битола со Bramha Amity Trio што воедно им е прв настап со новиот состав. Потоа издаваат два сингла со 3ject – FlaTTard и видео создадено од неколку многу стари цртани филмови, чиј автор е Наско Џорлев – долгогодишен другар. Второто парче се вика РАТАТА, новата песна со Тони Зен. За оваа песна тие знаеле дека сакаат да имаат гостин што ќе рапува. При случајна средба, одлучуваат дека храбро во овој оган може да влезе Тони Зен. “Се слушнавме со Тони, го поканивме да ни гостува и го напиша текстот за неполна недела. Иван Куртевски го направи видеото, без што не би се доловила целата слика на песната. Се надеваме дека до крајот на годинава ќе излезе и албумот. Полека но сигурно, влегуваме во студио со Bramha Amity Trio да го одработиме и вториот албум.” – раскажува за идејата Џигер. 1. Дали музиката беше на твоето дневно мени како дете? Музиката како дете ме опкружуваше, сосема случајно, од сите страни. Прво ќе почнам од тоа што татко ми пушташе: John Lee Hooker, AC DC, Motorhead, Deep Purple и многу блуз и рок. Потоа ме слушнале дома моите како пејам и ме пратија на Супер Sвезда и испеав песна што се викаше “Шармер”. Подоцна во 3-то одделение се сеќавам за роденден ми донесоа албум од Metallica – And Justice For All. Тоа ми беше шок и такво нешто немав слушнато до тогаш. Потоа го открив Еминем и како секое дете растено во 2000-те се навлеков. Потоа почна да ме интересира друг вид на рап музика, па стигнав до 2pac. Имаше Хип Хоп Шоп во ТЦ Бисер и се сеќавам ги терав моите да ми купуваат некаква си хип хоп облека: широки фармерки, широки маици, ланци, бандани. А мајка ми беше таква што ми купуваше скоро се. Во хип хоп продавницата работеше поранешниот рапер Мустафа (кој растел 2000-ти го познава) и до ден денес сум му благодарен затоа што ми подари неколку рап албуми што ми направија револуција во тој период. Потоа во Аеродром, населбата каде што живеам, присуствував на една дружба на таканареченото “Криво Дрво” и еден пријател имаше ЕЛЕКТРИЧНА ГИТАРА СО ПОЈАЧАЛО НА БАТЕРИИ и ја свиреше “Smеlls Like Teen Spirit”. Тоа за мене беше како да сум видел летачка чинија. Се навлеков многу на рок музика повторно. Исто така имаше емисија на ТВ што се викаше Рок Кафе, и од таму научив многу за музиката. Потоа имав среќа, татко ми да ме однесе на концерти на култни бендови што доаѓаа кај нас. Навистина бев опкружен со музика и култура на дневно мени. Некако сите детски игри си ги спојував со некоја музика. Секако, важно е и тоа што имав преголема среќа да имам голема поддршка од моите родители и роднини, веројатно виделе нешто во мене. 2. Што те натера да избереш тапани како инструмент? Дали можеби некогаш, во минатото си бил посветен на некој друг инструмент? Тапаните во мојот случај дојдоа многу махинално и ненамерно. До прва година средно свирев на гитара и бев убеден дека ќе бидам многу добар гитарист. Во средно училиште се обидов да се запишам на гитара, но немаше место и не ме примија. Ми рекоа има едно место на ударни инструмент, а јас бев тотално заљубен во музика, како и ден денес па си реков ајде, само да сум во контакт со музиката и се запишав на ударни инструменти во ДМБУЦ. Потоа се сеќавам дека си ја продадов едната гитара за да истетовирам добош. На други инструменти сум посветен и денес, во оваа пандемија, голем дел од времето го користам за свирење на бас, гитара и клавир. 3. Каква е разликата во твојот развој како музичар, од пубертет, па се до денес? Како и секој човек што расте со текот на годините така е и со музиката. Нормално е дека имам пораснато музички од тогаш до сега, но музиката е таква што никогаш нема да ја научиш и постојано ќе има нешто што не го знаеш. Илија Пејовски, професор на факултетот, ни кажа на едно предавање “музика не се учи- музика се студира”. Уште сум во пубертет кога се работи за музика. Секое преслушување или создавање на ново дело е нешто ново и невидено. Секој концерт и настап се различни. Музика е жива материја. 4. Зошто џезот те фасцинира како музичар? Конкретно за џез нема да коментирам многу затоа што според мене тоа е музика на многу различна култура од нашата. Што е тоа џез? Секој си го разбира различно и тотално има право. Јас го доживувам како напреден стил на музичко творење. Мене ме фасцинира тоа што за разлика од другите музички жанрови, овде не мора да си во шаблонот. Го доживувам како ROCK & ROLL. 5. Што и недостига на Македонија кога станува збор за бендови, џез музика, па и конкретно за тапанарите и нивниот музички израз? На Македонија и недостасува култура пред се. Имаме многу музика кај нас, од многу одамна. Имаме многу бендови. Има бендови што вадат албуми секоја година посебно на алтернативната сцена, меѓутоа тие бендови нема баш кој да ги поддржи. Повторно ќе кажам тоа е се поради културата што ни е на мизерно и ниско ниво. Имаме точно две места за свирење клубски концерти, кои пак го навикнаа народот да се журка само на кавер бендови. Кавер бендовите се супер, така се учи музика и мора да ги има. Ова со авторската музика е малку различно, доаѓаш на концерт за да уживаш во музиката на интерпретаторот или да ја поддржиш сцената, а не затоа што е петок или сабота. Како што одите во кино или на театар или на изложба. Џез музиката јас ја ставам во алтернативниот кош. Како што напоменав има многу. Морам да го спомнам Гоце Стевковски и З.Џ.М. што секогаш излегувале во пресрет и се борат да ја издигнат таа сцена на повисоко ниво. Ја имаме таа среќа во несреќа, дека сме мала земја, и се знаеме скоро одлично сите меѓу себе. Тапанари во МК има исто така многу, и сите се одлични на свој начин. Но, едно знам – сите сме различни. 6. Тапанарот во рок група го зазема центарот на сцената и сите се фокусирани на него. Во еден џез-бенд е сосема поинаку. Тапанарот седи во аголот на сцената и ја одржува позадината на сцената како своe поле на игра. Како успеваш да ја пренесеш пораката до останатите членовите на бендот? Има голема улога во тоа каков е филмот на бендот. Пак ќе напоменам дека џез музика за мене е како и секоја музика. Многу често ми се случувало да седам на страна и додека сум свирел рок или метал, или било каков жанр. Мене ми е подобро кога сум на страна. Пред се, бидејќи имам поголема контрола на звукот, одлична комуникација со публиката и поголема комуникација со останатите во бендот. Исто така, честопати сум се местел на страна поради сценографијата. Конкретно со бендот 3ject иако немаме некој џез призвук, мене ми е многу попријатно да свирам на тој начин. Тројца сме. Плус имаме подобра контрола и комуникација и плус мислиме дека пофраерски изгледа. Се случувало кога се работи за голем состав да биде тапанарот и многу подалеку. Ако е голема сцената и ако немаш добар мониторинг е многу тешко да се одсвири концертот. Затоа имам in ear монитори кои ми завршуваат работа секогаш. Моја препорака драмери – да си земете in ear. (се смее) 6. Како ја дефинираш твојата улога во бендот? Улогата на еден тапанар е под слична одговорност со сите останати инструменти. Професорот Алек Секуловски, на првиот час по тапани рече: “тапанот е инструмент што треба да го натераш тој пред тебе да игра”. Секако улогата е да бидеш што можеш понормален човек психички, посветен, да можеш да работиш со што повеќе музичари, и на тој начин да го најдеш својот автентичен израз, со текот на годините. 7. Кога станува збор за енергијата, ритамот и тајмингот, како го правиш тоа, имаш ли механизам на кој се потпираш? Ритамот е нешто што сите го имаме во себе. Како човечки битија имаме срце и тоа чука во ритам. Кога се работи за инструмент, секако дека треба да се работи на таа тема. Секој таканаречен успех доаѓа со многу работа и споделување искуства. Ритамот е нешто што се изучува со години и никогаш нема да ги знаеш “сите ритмови”. Слушање многу музика, останување до разденување и секако свирење со музичари многу подобри од тебе. Тајмингот не зависи само од тапанарот. Тајмингот зависи од цела ритам секција. Според мене тоа е работа што никогаш неможе да биде точно до БПМ. Зависи од тоа како ти се одвивал денот. Има тапанари што влечат напред во темпо и има што влечат назад. Се што може е да работиме на дишењето. Со самата возбуда може да завлечеш напред во темпо. Кога имаме било каква возбуда ни застанува здивот на некоја мили секунда и ја расипуваме работата на срцето, центарот од каде ни доаѓа ритамот. Исто има решение на вежби кои се викаат рудименти и се многу важни за да бидете целосен тапанар. Енергијата не е секогаш иста. Секој настап си бара различна енергија. Повторно ке напоменам. Зависи каков ти бил денот. Но како професионалец кога ке застанеш пре полна публика никој не го интересира каков ти бил денот. Затоа се работи на овој инструмет засекогаш и никогаш нема да го научиш. Поентата е во правиот патот целта ке си дојде затоа што секако патуваш....
Новите генерации претпочитаат секс, само доколку имаат чувства кон одредена личност
декември 28, 2020
Љубов / Актуелно
Последното истражување што се спровело во Австралија, Велика Британија и САД се темелело токму на вредностите, што младите луѓе денес ги имаат во однос на сексот. Се повеќе луѓе сфаќаат дека сексот е суштински многу неутрално дејствие, нешто налик на јадење. Па, исто како и јадењето, за жал, постојат огроми разлики во “сервираната” храна. Така е и со партнерите, не постојат две исти личности, затоа и искуствата воопшто не можат да наликуваат едно на друго. Боранијата, како растение е од истата сорта како и грашокот, ама многумина ќе речат дека грашок можеби им е омилено јадење, а боранија не сакаат ни да погледнат. Новите генерации, и покрај достапноста на потенцијални партнери (благодарение на интернетот и сајтовите за состаноци) се всушност многу “поосвестени” кога станува збор за сексот, од постарите генерации за кои всушност многу сексуални дејствија претставуваат табу и непозната територија. На кој начин овие генерации се поосвестени околу сексуалноста? Тие многу рано ја знаат својата сексуална ориентација Во семејството слободно се зборува на оваа тема (бидејќи нивните родители се родени најчесто во седумдесетите години на минатиот век). Отворено им поставуваат прашања на своите родители и добиваат прецизни (вистинити) одговори. Пријателите и општо околината нема (или има помалку) предрасуди во однос на овие теми, па многу рано дознаваат за облиците на интеракција помеѓу луѓето. Нивната перспектива во однос на сексот е прифатена од најблиските, без предрасуди. Дозволено им е, дури и поттикнати се да експериментираат во адолесценцијата самите, па потоа врз база на своите искуства да донесуваат заклучоци што сакаат. Последното истражување што се спровело во Австралија, Велика Британија и САД се темелело токму на вредностите, што младите луѓе, особено на возраст од 18 до 25 години ги имаат во однос на сексот. Заклучоците биле следните: Здосадено ми е и не сакам да имам секс со луѓе што не знаат кога ми е роденден Не сакам да имам секс со луѓе “Те молам заврши побрзо и да си викнам такси” Претпочитам да имам секс само со некој што го познавам подолго и чувствувам нешто за таа личност. Немам проблем да немам секс никогаш, ако тоа не е правата личност за мене. Доволно ми е од секс без чувства Само ако не знаеш што сакаш и што бараш, ќе згрешиш во изборот, поважно е да се посетува терапија отколку сајтови за состаноци (со цел да се најде секс) Според овие одговори, истражувачите едногласно заклучиле дека ерата на “состаноци за една вечер” и “секс-другарчиња” за новите генерации во голем процент е завршена. Заследи не на Инстаграм...
Вистината за сродните души
декември 2, 2020
Љубов / Актуелно / Духовна гимнастика / Избор на уредникот
Терминот “сродна душа” е веќе со децении, ако не и векови наназад толку распространет, што буквално има море од “вистини” за оваа појава. Во овој текст се обидовме да издестилираме што се оние клучни показатели, упатувачи, ако сакате “знаци” што би биле најблизу до вистината, ако воопшто и може да се каже дека таква вистина постои. Потекло на терминотЕдна рана употреба на зборот „сродна душа“ доаѓа од поетот Семјуел Колриџ во писмо што датира од 1822 година: „За да бидете среќни во брачниот живот… мора да имате сродна душа“. Платон пак, го цитира поетот Аристофан дека сите луѓе некогаш биле обединети со својата втора половина, но Зевс ги разделил од страв и љубомора. Многу верувања упатуваат на тоа дека паровите што се со својата сродна душа се многу “помоќни” во својот личен живот (во однос на времето кога биле сами), но и во однос на општеството и воопшто светот. Вистина број 1Кога ќе се обедините со својата сродна душа, вашиот живот ќе се промени на подобро. Не на полошо. Невозможно е да сте со својата сродна душа, ако бивањето со некоја личност ве одвело кон зависности, разни пороци, злоупотреби, губење на кариерата, нарушување на пријателските и семејните односи, итн. Вистина број 2Обединувањето со сродната душа не е анскиозност или тн. “пеперутки во стомакот”. Ако се чувстувате нервозно во присуство на вашиот партнер, љубовник, тоа е сигурен знак дека тој/таа не е вашата сродна душа. Многу духовни практики се стремат кон тоа човекто да најде мир и љубов во своето срце. Сосема контрадикторно на секоја духовност е нешто што ви е подарено од Универзумот, од Бога да внесува немир и несигурност во вашето срце. Некои луѓе се дотаму маѓепсани од терминот “сродна душа” што се во состојба ова да го препишат на луѓе во нивниот живот што буквално им внесуваат страв. Тие луѓе навистина не се без причина во нивниот живот, ти се таму за да им покажат дека треба да работат на себе, да создадат вистински вредности (сопствени) во својот живот за да бидат подготвени да ја сретнат вистинската сродна душа. Вистина број 3Сродната душа е секогаш на ваше емотивно, ментално, физичко, социјално ниво. Што значи ова? Дали значи ако вие имате висока едукација и вашата сродна душа има исто така? Секако дека не. Но, значи дека искуствата во животот ви се толку компатибилни што разликата во едукација никогаш и нема да ви падне на памет. Дали значи дека ако вие сте сами, вашата сродна душа не може да биде во брак? Секако дека да, доколку сте подготвени (духовно и емотивно) за сродна душа, невозможно е да се најдете во улога на растурач на бракови или пак, уште полошо семејства. “Ама можеби треба да ја/го спасам од “лошиот” брак. Можеби тоа е дел од мисијата?” Зарем мислите дека Универзумот за мисија ви дал да “спасувате” луѓе од нивните одлуки, од нивната слободна волја? Можеби треба повеќе да работите на себе и да ја увидите вистинската мисија што ја имате на овој свет, мисија што ќе остави печат на општеството, заедницата, технологијата, медицината, архитектурата, уметноста итн. Замислете Марија Кири да сметала дека нејзината мисија е да го спасува Пјер (или обратно), наместо да се фокусира на најзиниот пронајдок, што спасувал животи. Дури можеме слободно да кажеме дека доколку вашиот партнер/ка не е слободен, тоа со сигурност значи дека тоа НЕ Е вашата сродна душа. Вистина број 4 Секогаш еден од сродните души е поуспешен од другиот. Ове е целосна невистина, вистината е дека доколку сте со сродната душа и двајцата сте успешни, еднакво успешни. Што значи тоа? Тоа не значи дека како Марија и Пјер, треба да работите во истото поле, иако тоа не е исклучено. Тоа значи дека ако едниот партнер е успешен архитект, а другиот партнер е сопственик на локална цвеќарница, може да се работи за сродни души. Па што имаат овие двајца заедничко? Заедничка им е естетиката, љубота кон уредувањето, човечката комуникација со луѓето (едниот на локално, а другиот, можеби на глобално ниво). Понекогаш таа моќна компатибилност не е воочлива на прв поглед, понекогаш тие имаат еднаква страст кон работите (што се различни за секој поединечно) на пример едниот партнер страсно ужива во фудбал додека другиот партнер страсно ужива во јога – навидум овие луѓе се некомпатибилни, но всушност поважна е компатибилноста во однос на страста, отколку дали се работи за јога или фудбал....
Ja имав таа привилегијата да учам од тоа слепо животинче
декември 11, 2020
Актуелно / Избор на уредникот / Каскадер
Пишува: Мери Јордановска Често ние членовите за заштита на бездомните животни знаеме да бидеме престроги кога станува збор за купување домашни миленици, па дури и да претераме со инсистирањата да се посвои куче или маче. Но, со текот на годините сфатив дека тоа не може да се наметне како одреден стандард, ниту како правило, а последната случка и ми докажа дека некогаш животните нè бираат нас, а не ние нив. Како да ни се појавуваат пред очи и во моментот кога ќе ги земеме в раце, да знаеме: „Не те давам никому, не те оставам“. Без разлика дали миленикот е расно куче или маче, дали има хендикеп, каква е неговата боја на крзното. Едноставно, знаеме.Баш така се случи Тајсон во мојот живот. Маченце од 300 грама застанато пред гаражата на моите родители, стуткано во ќошот, исплашено, како да го носи сиот терет на светот. Пробав да му се доближам, но толку испаничено побегна, удирајќи се од ѕидови и туркајќи се во моторот од најблискиот автомобил. Веднаш забележав дека ова мало кревко суштестество не гледа и дека има тешка инфекција на очите. Истрчав до аптека да купам маст и кога се вратив, токму во автомобилот каде што беше скриен, влегуваше човек за да го запали. „Застанетееее, ве молам не ја палете колата, имате маченце во моторот“, свикав.Човекот нервозно излезе од автомобилот, ја отвори хаубата, го грабна мачето и буквално го фрли на улицата, како да е смет кој му ја извалкал колата. Тогаш следуваше уште получасовно бркање по улицата. Го фатив и го погледнав мачето, но тоа не можеше. Очите му беа комплетно затворени, инфицирани, не знаеше на каде да се движи, паѓаше. И во тој момент знаев дека никогаш нема да го оставам. Го однесов во ветеринарната станица и реакцијата на д-р Ивица не беше најоптимистична. „Ќе гледаме да му го спасиме барем едното око“. Ветеринар, инекции, дома, ветеринар, инекции, дома, секој ден. Тајсон ниту еднаш не пушти глас. Не замјаука. Не мјаука дури ни сега, пет месеци подоцна.Едното око мораше да му се отстрани комплетно, откако инфекцијата се прошири и постоеше опасност да стигне до мозокот. Во очите имаше конци, а во моите очи само солзи кога дојдов да го земам од ветеринар, а тој се залепи за мене, како да сум му последната трошка надеж. „Дали барем нешто гледа со другото око?“, прашав. „Да, но само некои сенки“, ми одговори ветеринарот. Дојдов дома, го гушкав силно и без престан плачев. Никогаш сум немала контакт со слепо животинче. И токму во месеците кога коронавирусот земаше залет, јас ја имав привилегијата да учам од тоа слепо животинче, поминувајќи цели денови со него. Тој сепак е среќен. Тој се радува кога ќе види сенка и игра со неа, како да е играчка. Се радува кога ќе ги чуе птиците надвор, па пушта чудни звуци – иако не ги гледа, тој воспоставува контакт. Тајсон нè смее. Знае да се качи по скалите од галеријата во станот, но никако не знае да се симне, па должни сме по цели денови да изигруваме „таксисти“, симнувајќи го, а тој преде во знак на благодарност. Процес беше додека да го научи станот, па поминаа можеби два месеци и се навикнавме кога ќе слушнеме јак звук – знаевме дека Тајсон си ја удира главата од нешто, играјќи си и не гледајќи ја препреката пред него. Сега не се ни обидуваме да направиме разместување во станот, бидејќи тој знае точно сè каде се наоѓа, па страв ни е дека секоја промена ќе носи нови „потреси на мозок“. Понекогаш тоа ни делува и смешно, бидејќи знае да се удри од фрижидерот, фотелјата, радијаторот, толку силно, што и мене ме здоболува, а тој продолжува да си игра, како ништо да не било. Не гледа, па затоа останатите сетила му се поразвиени. Реагира бурно на секој звук и морам да признаам дека во животов не сум слушнала мачка да преде толку гласно. Фасцинантно е да се гледа едно слепо маче како расте и како нè учи – дека живите суштества можат да се приспособат на секоја ситуација и притоа да бидат благодарни што се живи и сакани. Тајсон можеби не гледа, но нас нè научи да ги гледаме работите со поинакви очи. И кога ќе ме погледне, секогаш имам чувство како да ми намига, со поглед кој вели, „гледаш дека сè може да биде во ред“. ...
Јога за ослободување од стрес
јануари 22, 2021
Актуелно / Вежбање
Во реалниот живот, сите ние сме изложени на некаков стрес – стрес предизвикан на работно место, во семејното опкружување, патување и слично. Кога сме под стрес срцето ни чука забрзано, мускулите се напнати, крвниот притисок расте, здивот ни станува брз и плиток. Нашите сетила стануваат изострени, умот е преоптоварен. Ова не е состојба во која сакаме да останеме подолго време. Јогата претставува алатка преку која може да научиме да го ублажиме секојдневниот стрес, да научиме како да ги смириме телото и умот, да живееме посмирено и порелаксирано, да го уживаме и вреднуваме секој здив. Дури и ако понекогаш изгледа невозможно, обиди се да одвоиш 10-15 минути од денот за себе, било да е тоа на утро или на крајот од денот. Јога-положби што помагаат за намалување на стресот: 1. Преклопување напред Почнуваме со седечка положба, со споени нозе и раце до телото. Дишеме длабоко, го смируваме здивот, го издолжуваме секое вдишување и секое издишување. Може благо да ги свиткаме колената. Вовлекувајќи го долниот дел од абдоменот, правиме повеќе простор во половината за подлабоко преклопување. Со вдишување посегнуваме со дланките кон стапала или потколениците. Пробуваме да го издолжиме ’рбетот со тоа што круната од главата влече кон стапала, а рамената ги враќаме назад подалеку од ушите. Остануваме така 10 долги дишења. Здивот нека остане проточен и издолжен. Оваа положба се смета за една од најдобрите положби за целокупно заздравување на цело тело – од главата до врвот на прстите. – Го смирува умот,намалува главоболка и анксиозност – Ги намалува стресот, заморот, се тврди дека дејствува терапевтски за висок крвен притисок – Го издолжува ’рбетот и ги отпушта задните ложи Ја стимулира работата на бубрезите и на црниот дроб. 2. Поза на дете Почнуваме од поза на масичка, со дланките на под во ширина на рамената и со колената на под во ширина на колковите. Ги спуштаме колковите кон петиците, стапалата може да останат споени или да се раздвојат. Со дланките шетаме напред обидувајќи се да ги спуштиме градите и челото кон подот. Му дозволуваме на телото целосно да се отпушти. Го насочуваме вниманието на здивот, остануваме тука 10 долги дишења или подолго. Главниот анатомски фокус е на бутовите. – Корисна е за ублажување на тензија во колковите, рамената и во вратот. – Го истегнува долниот дел на ’рбетот, релаксира, намалува главоболка – Ја подобрува циркулацијата на крвта – Ослободува од стрес во градите и во грбот. 3. Поза на крава и на мачка Уште еднаш почнуваме од поза на масичка, ги активираме стомачните мускули. Со вдишување, отвораме гради и рамена, а папокот го спуштаме кон подот. Вратот е издолжен, абдоменот останува активен. Полека течно преминуваме од поза на крава во поза на мачка. Со издишување, го заоблуваме ’рбетот и ја приближуваме брадата кон гради, сè уште држиме активен абдомен, влечеме со ’рбетот нагоре. Му дозволуваме на здивот да нè води низ овие две положби, се движиме низ овој проток сè додека се чувствуваме удобно. Со комбинација од овие две положби, движеќи се свесно од едната кон другата му овозможуваме на ’рбетот нежна масажа и ги отпуштаме мускулите поо должината на ’рбетот. – Се подобруваат рамнотежата и држењето на телото, создава емоционална рамнотежа – Ги масира внатрешните органи, го зајакнува ’рбетот и ја зголемува флексибилноста во вратот и во рамената. Помага при болки во долниот дел од грбот. 4. Среќно бебе Почнуваме во лежечка положба, ги приближуваме колената до градите со тоа што ги фаќаме палците од стапала со показалеците и со средените пртси од дланките, а лактите ги носиме од внатрешна страна на колена. Ги повлекуваме нозете нежно кон подот и се обидуваме долниот дел од грбот (опавчето) да остане целосно на подот. Нежно луламе лево-десно. Остануваме колку што ни е потребно. Основна поза за истегнување на внатрешните бутови, препони како и задниот дел на нозете. – Намалува болка во долниот дел од грбот – Ги намалува стресот и заморот Особено е корисна за олеснување или за декомпресија на сакрумот, односно на долниот дел, крајот на ’рбетот. 5. Нозе на ѕид Легнуваме до ѕид, ги приближуваме седечките коски што поблиску до ѕидот, со кренати нозе, исто така, доиближени до ѕидот. Убаво и пријатно сместете се. Секогаш може да ставиме ќебе под колковите ако чувствуваме притисок. Ги затвораме очите и му дозволуваме на телото да се отпушти, умот да се испразни, ослободи од сите мисли и грижи. Остани колку што ти е потребно. – Моќна ресторативна положба – Го забавува отчукувањето на срцето – Го смирува нервниот систем – Ги одмора нозете и стапалата, ги ублажува отечените глуждови и проширените вени – Помага при ублажување на менструални болки и грчеви – Го регулира протокот на крвта. Дозволи си себеси едно вакво отпуштање после долг и напорен ден. Почувствувај ги благодетите и придобивките од јогата. Јогата нè учи да се сакаме себеси и да се прифатиме онакви какви што сме. Да водиме грижа за нашите тело и ум. Да развиеме чувство на свесност во нас и околу нас. Да го цениме секој здив. Намасте! Марина Стојкоска Сертифициран јога-учител...
Росица Мршиќ: Креациите зборуваат на сопствен јазик
декември 13, 2020
Актуелно / Избор на уредникот / Интервју
Модниот дизајнер Росица Мршиќ веќе подолго време е дел од македонската модна сцена со своите оригинални и интересни модели. Своето образование го стекнала на Факултетот за визуелна уметност и дизајн во Утрехт, Холандија и на Школата при Уметничкиот институт во Чикаго.Таа, веќе со години наназад, не изненадува со необични, храбри и целосно автентични дизајнерски парчиња, за што има и бројни номинации и награди, не само во Македонија, туку и во Европа. За модниот дизајн, нејзиниот пристап кон креирањето, таа ни ја кажа својата перспектива. Вашите парчиња се поетични и многу женствени. Од каде ја црпите инспирацијата? Инспирација се црпи од секојдневието и од личниот интерес и фокус. Мешавина од импулс, љубопитност, барање на нови креативни решенија, будно око и контенплација за да се создаде нова форма, што ќе биде естетски и идејно оправдана, и ќе зборува на сопствениот јазик. Кои дизајнери ги сметате за учители и што е есенцијата што еден искусен учител во модата може да ги научи своите ученици? Искуството и знаењето на дизајнерите се стекнува преку години работа и посветеност на себе-откривање, осознавање и поместување на креативните граници, и постојан развој на сопствените вештини. На светско ниво, има неколку дизајнери чија работа ја следам и ме воодушевува. Мое мислење е дека секој дизајнер, за да биде во чекор и чекор пред времете во кое твори, мора добро да ја познава историјата на модата и да ја следи работата на дизајнерите низ светот. Дизајнерите чија естетика ја сметам за иновативна, автентична и блиска до мојот сензибилитет се: Dries Van Noten, Roksanda Ilincic, Prada, Marni, Christian Wijnants, Emilia Wickstead, Delpozo, Narcizo Rodrigues, Alessandro dell’Acqua… Најважното учење што еден предавач може да го пренесе и да го поттикне својот ученик е да му помогне да го дефинира сопствениот потпис и естетика на творење, да го мотивира постојано да биде иновативен и да не се потпира на својата комфор зона, будно и љубопитно да пристапува кон се што го опкружува, и да гради професионален и темелен однос кон професијата…. Каков е совршениот крој за вас? Тој на кој се поминуваат часови и часови работа и размислување, и кога ќе се постигне точката каде сите прашања, дилеми, опции и недоумици се разрешени, кројот е совршен и оправдан да биде создаден… Која е модата што е изворот од каде што протекува вашата креација, што е она што им недостасува или ги кочи македонските дизајнери да блеснат на светската модна сцена? Македонската сцена е релативна млада и според мене недоволно развиена, за да биде атрактивна на глобалната сцена. Тоа што е пречка за многумина дизајнери е недостапноста и ограниченоста за набавка на репро материјали, недостаток од производствени капацитети кои би застанале зад поголеми нарачки, недоволната помош од државата за промовирање на модниот дизајн надвор од нашите граници… Сите скромни чекори на малкумина дизајнери за промоција на македонскиот моден дизајн, се сведуваат на привремени презентации на своите колекции надвор од државата за кои се потребни големи вложувања за да се биде присутен на интернационалната сцена. Кој е процесот креациите на еден моден дизајнер да стигнат во вистински раце и да биде препознаен? Процесот на промоција на еден бренд, и дизајнерска работа не се случува преку ноќ. За еден бренд да стане препознатлив и да го изгради својот имиџ се потребни неколку години. На светско ниво, новинарите, уредниците, агентите се тие кои ги препознаваат талентите и на тој начин работите стигаат во вистински раце. Кај нас работите се поинакви. Малата и скромна сцена се развива на начин на кој поединецот дизајнер се обраќа директно на своите потенцијални клиенти, и на тој начин нема многу опции за поголема присутност и препознатливост во средината. Кои се модните куќи што се отворени за соработка со млади, нови или не толку светски етаблирани модни дизајнери? Во рамки на македонската текстилна индустрија во моментов има мал број на модни куќи. Тие најчесто се бават со конфекциско производство кое главно е наменето за потребите на деловните жени. Мојот став е дека на младите дизајнери им е потребно почетно работно искуство во поголеми производствени системи за да се доближат до индустријата и да стекнат искуство во професијата. И ја поздравувам поголемата соработки помеѓу индустријата и дизајнерите, затоа што тоа придонесува за поквалитетни домашни производи, ја подигнува свеста за домашниот производ, и ја зајакнува домашната модна сцена. Што би ја посоветувале (од естетски, моден аспект) македонската жена? Стилот и естетиката не е врзан само со облеката и модата. Стилот е личниот избор и став кон се она што го исполнува нашето секојдневие: како го уредуваме домот, како се однесуваме, што јадеме и како го градиме односот со опкружувањето. Облеката и модата се само мал дел од целата приказна. Жена со стил е жена која се познава себе си и на најдобар начин визуелно се претставува, преку внимателно и соодветно избрани модни парчиња и модни додатоци, кои создаваат балансиран, изгладен и рафиниран имиџ....
Токсични семејства
јануари 2, 2021
Актуелно / Психологија
Нарушувањата на личноста, иако бараат психијатриски третман, ретко се видливи за надворешната околина. Честопати овие личности дури се и угледни граѓани во општеството. Имаат добра работа, немаат “испади” во психолошка смисла, прават се како и еден најобичен човек. Но, во домот, овие особини се видливи за најблиските, а особено страдаат децата. Сопружниците на овие личности, знаат дека нешто навистина “не е во ред” со нивниот партнер. И тие, како и другите луѓе, биле излажани од “надворешната нормалност” на овие луѓе, па дури и стапиле во брак бидејќи сметале дека “чудниот темперамент” е дел од личноста на нивниот партнер, а не сериозно психолошко нарушување. Ако во семејство има нарцисоиден систем на вредности, најверојатно децата ќе ги прифатат тие стандарди на однесување заради мешавина од следниве фактори: Децата сакаат да ги задоволат своите родители (особено родител со нарушување на личноста, бидејќи родител со таков психолошки проблем, не може да се задоволи со ништо) Малите деца ги гледаат своите родители како сезнаечки Бог (бидејќи овие родители имаат природно отсуство на емпатија тие и не препознаваат дека некое однесување му штети на нивното дете, дури и некој тоа да им го каже, тоа ништо нема да промени, едноставно нема да им биде гајле) Децата не сакаат да бидат прекорувани и казнувани. Ако родителите се нарцисоидни, веројатно во семејството има ригидна хиерархија, родители со вакви нарушувања се многу насочени кон статусот и достигнувањата (свои, на партнерот и на децата) Овие родители, малку е веројатно дека ќе го научат своето дете на сочувство (бидејќи децата учат индиректно, гледајќи ги своите родители), а речиси е невозможно дека некогаш во вакви домови ќе биде наградена емпатијата на детето. Кај луѓето со психолошко нарушување на личноста, особено нарцисоидното нарушување, емпатијата се смета за слабост, честопати емпатијата кај децата во вакви семејства е на исклучително високо ниво (заради страдањето што секојдневно го трпат) и неретко, кога ќе пораснат, завршуваат во партнерства со луѓе со исто вакво нарушување бидејќи се пораснати на тој начин и никогаш не спознале љубов во вистинска смисла. Љубовта е условена: во овој тип на семејство, не постои такво нешто како безрезервна љубов. Да се сака безусловно значи да прифатиш човечко суштетство целокупно, комплетно – со сите маани и доблести. Наместо тоа, децата на нарцисоидни родители се чувствуваат сакано само кога им се допаѓаат и им угодуваат на своите родители, во спротивно не се сакани. Во зависност од подвидот на родителот со нарцисоидно нарушување, така и односот кон детето е различен, но со еднакво ужасни последици. Сите нарциси ги девалвираат или идеализираат (истовремено) своите деца, значи истото дете денес е совршено, а утре е ужасно. Но, има разлика како им се “осветуваат” за несовршеноста на своите деца. На пример, малигните нарцисоидни родители уживаат да ја уништуваат самодовербата на своите деца, додека егзибиционистичките нарциси ги ценат високите достигнувања и тие може да ги наградат своите деца со позитивно внимание САМО кога достигнувањата на детето добро се одразуваат на семејството и го зголемуваат угледот на родителите (пример: мора секогаш да се однесуваш перфектно, мора да имаш само петки, мора да освоиш прво место на детскиот натпревар, ако не ги правиш овие работи – ти си ужасно, неодговорно, невоспитано човечко суштество)Ранливиот (коверт) нарцис како родител се претставува како најдобар пријател на своето дете, а всушност претпочита пасивно- агресивна тактика за да ги контролира, доминира, владее и казнува другите (и своето дете). На пример ова се родители што честопати “не му зборуваат на своето дете” со цел да научи да не прави грешки. Ова се родители што вршат “gaslight” како омилена тактика, гаслајтингот претставува убедување на детето дека нешто не е како што тоа видело, чуло, почувствувало итн. туку е како што родителот вели дека е! Ова е родител што честопати е “болен” или “не му е добро” ако детето (и останатите членови на семејството) не прави како што му е наредено. Овој родител ги злоставува своите деца на најбрутален и подмолен начин и децата може до крајот на животот да мислат дека нивниот родител бил најдобрата личност што постои, не сфаќајќи дека проблемите што ги имаат како возрасни произлегуваат од долгото психолошко и емотивно злоставување како деца. Коверт нарцисите најчесто имаат агресивен партнер (што ги врши нивните “валкани работи”) за тие да останат “светци” во очите на околината, од партнерот се очекува да влезе во конфликт со околината, да ги тортурира децата ако се непослушни и сето тоа коверт нарцисот го изведува многу затскриено со тактики што буквално треба човек да е таен агент, за да сфати, открие. Честопати нивниот партнер (иако агресивен или со проблеми на контрола врз импулсите) има емпатија и има многу полесно решлив психолошки проблем од нарцисот, но останувањето во врска со нарцисот, за жал, резултира во целоживотно неработење на себе, не посетуваат терапија и остануваат со (честопати дури и лесно) решлив психолошки проблем. Ниту еден нарцис не би сакал да биде во долга врска или брак со некој без емпатија (тие немаат емпатија и потребно им е да се “хранат” од емпатијата на партнерот)Да се видат двајца нарциси во врска е возможно, но исклучително ретко. Едноставно никој нема да обезбедува “душевна храна” и овие врски обично се краткотрајни. Најчеста комбинација е на нарцисоиден партнер со емпатичен, но агресивен партнер или партнер со друго психолошко нарушување. Коверт нарцисот (и општо нарцисите) не мислат дека имаат психолошки проблем, тие сметаат дека се богови, независно што ковертот гледа дека околината не се согласува со тоа. Психолозите честопати упатуваат дека највидливо нарушување на личноста е нарцизмот, ако сте многу внимателни, бидејќи од овие личности ќе слушнете дека другите луѓе се “глупави, не се доволно едуцирани, не знаат ништо, никој не може да ви помогне, се во животот се постигнува сам” и така натаму. Коверт (ранливите) нарциси ја совладуваат микроагресијата. По дефиниција, нарцисоидната личност е компетитивна, завидлива и склона кон непријателски напади. За разлика од очигледната агресија на класичниот нарцис, ранливиот нарцис како родител користи микроагресии преправени како надзор, замерки, хумор (сарказам), навидум помош или грижливост. За детето овој третман создава многу поужасна атмосфера за живеење (иако невидлива за надворешниот свет) од децата што имаат агресивни родители (проблеми со контрола на импулси), зависници или родители со биполарно растројство. Тоа е така бидејќи за надворешната околина (поширокото семејство) овие, горенаведени нарушувања се видливи, па и разбирањето и поддршката се возможни. Децата со нарцисоидни родители се оставени сами на себе, бидејќи околината смета дека нивните семејства се “совршени”. Само терапевт или обучен социјален работник, може да ја открие вистинската атмосфера во која растат овие дечиња. ...
Ива Дамјановски: децата се бесмртни, а возрасните не се
декември 8, 2020
Актуелно / Избор на уредникот / Интервју
Како се создаде песната „Дете“ Ива Дамјановски е добитник е на наградата „Игор Исаковски“ за најдобар дебитантски поетски ракопис во 2017 г. Нејзината стихозбирка „Тие“ е издадена во 2017 година од издавачката куќа Блесок. Во 2020 е издадена и нејзината втора стихозбирка „Двоумење”, за која и е доделена наградата „Браќа Миладиновци“ на Струшките Вечери на Поезијата. Поезијата на Дамјановски е преведувана на српски, грчки, хрватски и словенечки јазик.Таа всушност e млада пијанистка од Скопје. Но, нејзината песна „Дете“ е нешто што одамна вака не одекнало помеѓу македонската публика. Дете Децата не се луѓе.А луѓето им љубоморат на децатаи затоа ги фаќаат за рачеи им велат:ова земја е,ова трева е,ова гроб е,ова цвет е,а ти – дете. Децата не се луѓе.А луѓето им љубоморат на децатаи затоа ги фаќаат за рачеи им велат:ова сон е,ова пластика е,ова закон е,ова ред е,а ти – дете. Децата не се луѓе.А луѓето им љубоморат на децатаи затоа ги фаќаат за рачеи им велат:ова телефон е,ова пари се,ова војна е,ова грев е,ова – светец,а ти – дете. Децата не се луѓе.Луѓето им љубоморат на децатаи затоа ги фаќаат за рачеи им велат:ова рака еи раката мора да крвави,да пита,да копа,да пишува,да плете,раката на секој човеки на секое дете. Ама децата не се луѓеи луѓето им љубоморат на децатабидејќи децата се бесмртни,а луѓето не сеи затоа ги учат декамора да се спие,да се јадеи никако да не се оди босза да се преживее. И децата верувааткога им се вели:ова смрт е,ова небо е,ова свет е,а ти – само дете. Со сурова љубопитнострастрчаните децаненадејно запираати иако се раѓаат бесмртни,учат да умираат. Ја прашавме Ива како ја создаде „Дете“? Песна што е како активиран вулкан од емоции, нешто што малкумина умеат, песна без задршка, без артифициелност, во крајна линија без грам товар. Она нешто недофатливо, што го поседува поезијата на великани, тоа нешто го држела Ива в рака и ни го даде експлозивно, токму тука, во „Дете“.Еве што ни раскажа таа за раѓањето на песната: „Дете“ е напишана пред неколку години и не ми беше воопшто предвидена за објавување, не успеа да влезе во мојот избор за дополнетото издание на „Тие“ и иако оние неколкумина што ја имаа прочитано пред да излезе „Двоумење“ имаа позитивни коментари за неа, јас лично сметав дека не е доволно добра. Кога го подготвував изборот за втората збирка и се навратив и ја допишав последната строфа и мислам дека тоа ја направи сета разлика (барем за мене). Мислам дека ова е и поврзано со предизвикот кој си го зададов, а тоа е да одговорам комплементарно на содржината и преку стилот, пишувајќи ја песната со едноставни зборови и стил на римување типичен за поезијата наменета за деца. Тука се јавува проблемот на рамнотежата помеѓу возвишеното детско и пејоративното инфантилно, нешто што јас постојано го барам во она што го пишувам, без оглед дали се работи за музика, поезија или проза, а и во себе си. Најчесто ги пишувам песните околу некоја многу конкретна идеја или стих; кај „Дете“ тоа беше идејата дека децата се раѓаат сосем чисти, без поим за ништо што е зло, тоа е она што се учи, па мислев дека е интересно ако метафората се пренесе и на самата смртност: „децата се бесмртни, а возрасните не се“ – смртноста и несовршеноста се нешто што се учи, а светот кој го создаваат возрасните често ми изгледа дека се обидува тоа и да го охрабри. Восхитот од детското е дефинитивно тема која се провлекува во „Двоумење“ (многу ми беше драго што ова беше потенцирано во освртот од страна на комисијата на СВП) и има и други песни во кои е очигледна мојата лутина кон заборавањето и негрижата за детското и песимизмот во кој растат децата денес, како што е на пример и „Песна за мирот на барем три јазика“.Многу ми е драго ако оваа порака допира до читателите, бидејќи сметам дека човештвото нема поважна задача од потполна посветеност на создавање подобар свет што ќе мораат да го наследат идните деца и дека нема ништо повозвишено од тоа да се зачува детскиот поглед, полн со безмилосна љубопитност и едноставна љубов кон светот....
Избор на уредникот
Zoom најактуелна платформа во 2020
јануари 20, 2021
Избор на уредникот / Технологија
Многу компании се соочија со големи проблеми во пандемиската 2020 година, многу мораа да затворат еден дел или пак комплетно пропаднаа. Истовремено, некои компании постигнаа неверојатен успех за време на кризата, пред се поврзани со технолошки решенија, од чии услуги станавме уште позависни. Според статистичките податоци, само во периодот од јануари до април 2020 година, на Zoom, платформата која во годината на Ковид стана екстремно популарна, имало две илјади милијарди минути видео повици. За време на пандемијата Zoom направи огромен скок во бројот на корисници, од 10 милиони дневни корисници во декември 2019 година на 300 милиони во април 2020 година. Благодарение на Zoom, бизнис состаноците, конференциите, семинарите, разните видови обуки и настави, продолжија и за време на пандемијата. Според неодамна објавена статија на оваа тема во британскиот весник „Индипендент“, Zoom е најдобар бидејќи е најпристапен и истовремено е бесплатен. Апликацијата FaceTime на Apple, може да ја користат само сопствениците на скапите производи на Apple. Исто така, не бара корисникот да има сметка, како што е случај со апликацијата Google Meet. Ако направиме споредба со апликацијата „Skype“ на „Microsoft“, Zoom е полесен за употреба, особено за оние кои не се многу вешти со компјутерите. Сите овие фактори го направија Zoom многу популарен, па стана мета на хакери, кои лесно следеа состаноци, па дури и ги вознемируваа учесниците. Британската агенција за борба против криминалот и Американското федерално биро за истраги издадоа предупредувања и совети за безбедни видео повици, а Zoom воведе дополнителни мерки за заштита.Работата од дома за време на пандемија натера многу компании да користат апликации како Zoom. Трендот сигурно ќе продолжи и во 2021 година, но веројатно и во годините потоа. Најверојатно популарноста на овој софтвер за видео повици ќе намали кога пандемијата ќе заврши, имајќи предвид дека вредноста на нејзините акции се намали кога беше објавено дека е направена вакцина за Корона вирусот. Сепак, Zoom е сè уште најактуелна платформа од ваков вид и се чини дека уште долго ќе остане на врвот и покрај многуте слични конкурентни платформи. Компанијата сака да ја искористи оваа неочекувана и голема популарност. Плановите на Zoom вклучуваат услуги и апликации за електронска пошта и календар. Со развојот на новите производи, Zoom ќе направи затворен систем на апликации за првенствено деловни корисници, со што влегува на територијата на технолошките гиганти како што се Microsoft и Google, кои исто така нудат апликации и услуги за видео повици, календар и електронска пошта. Една од последиците на Корона вирусот ќе биде преминот на многу компании кон работа од дома или некој хибриден модел, според кој дел од работното време ќе помине во канцеларија, а дел од дома. Според тоа, а имајќи ја предвид потребата за вакви платформи и во другите области, јасно е дека користењето на апликациите како Zoom сè уште ќе биде голема....
Кој ги измислил киселите краставички?
јануари 20, 2021
Избор на уредникот / Храна
Киселите краставички биле измислени во Месопотамија, кога жителите од северна Индија донеле семе од краставица во долината на реката Тигар, а како рецепт се стари повеќе од 4000 години. Месопотамците започнале да ги натопуваат краставичките во кисела саламура, како начин да ги зачуваат. Оттогаш, тие имаат главна улога во културите низ целиот свет, познати по својот интензивен вкус, здравствени придобивки и додаток речиси за секоја пригода. Се шпекулира дека тие биле една од тајните на бесмртната убавина на Клеопатра, таа верувала дека краставичките придонесуваат за нејзиното здравје. Во меѓувреме, Јулиј Цезар и другите римски императори им давале кисели краставички на своите трупи да јадат, верувајќи дека ќе ги направат јаки. Конзервирањето како начин да се зачува храната за употреба, па и надвор од сезоната, како и за долги патувања, било популарно во минатото, особено за морепловците. Иако процесот е измислен за да се зачува храната, киселите краставички се прават и јадат затоа што луѓето, како во минатото, така и денес, уживаат во неверојатниот вкус. Закиселувањето може да ја подобри хранливата вредност на храната со воведување на витамини од групата Б, што произлегуваат од корисните бактерии. Киселите краставички се споменуваат дури и во Библијата, им биле познати на Египќаните, а Аристотел ги пофалил лековитите својатва на киселите краставички. Римјаните увезувале секаква храна од земјите што ги освоиле, ги маринирале во оцет, масло, саламура и понекогаш мед.Меѓу познатите љубители на кисели краставички од историјата се: Јулиј Цезар и Тивериј, кралицата Елизабета Прва од Англија, Америго Веспучи, Џорџ Вашингтон, Томас Џеферсон и Наполеон Бонапарта, и многу други....
Дали навистина знаеме да слушаме?
јануари 18, 2021
Актуелно / Живот / Избор на уредникот
Слушањето е една од најважните вештини што можете да ги имате. Колку добро слушате има големо влијание врз ефективноста на вашата работа и врз квалитетот на вашите односи со другите луѓе околу вас. На пример: Слушаме за да добиеме информации. Слушаме да разбереме. Слушаме за уживање. Слушаме да учиме. Со оглед на целото слушање што го правиме, вие би помислиле дека би биле добри во тоа! Луѓето обично сметаат дека комплетно слушаат и разбираат што им кажуваат останатите. Огромен процент на луѓе дури веруваат дека се одлични слушатели. Всушност, повеќето од нас не се, а истражувањата сугерираат дека се сеќаваме само помеѓу 25 и 50 проценти од она што го слушаме, како што е опишано од „Конусот на искуство“ на Едгар Дејл. Тоа значи дека кога разговарате со вашиот шеф, колеги, клиенти или интимен партнер околу 10 минути, тие (а и вие) обрнуваат внимание на помалку од половина од разговорот.Значи, и вам кога ви се даваат информации или насоки, пораката стигнува до вас само 50 проценти, остатокот се губи. Јасно е дека слушањето е вештина од која сите можеме да имаме корист, доколку ја подобриме. Станувајќи подобар слушател, можете да ја подобрите вашата продуктивност, како и способноста да влијаете, убедувате и да преговарате. Уште повеќе, ќе избегнете конфликти и недоразбирања. А се ова е неопходно за подобрување на резултатите на секој човек, како на работното место, така и во комуникација со блиските и пријателите. Начинот да ги подобрите вашите вештини за слушање е да вежбате „активно слушање“. На тој начин се вложува свесен напор да ги слушнете не само зборовите што друго лице ви ги кажува, туку што е уште поважно, целосната порака што се соопштува. За да го направите ова, мора многу внимателно да обрнете внимание на другата личност.Не можете да дозволите да бидете расеани, да размислувате за нештата што се случуваат од околу вас, или да размислувате како да дебатирате или формирате контрааргументи, додека другата личност сè уште зборува. Ниту, пак, можете да си дозволите да се досадувате и да изгубите фокус на она што го зборува другата личност.За да ги подобрите вашите вештини за слушање, треба да и дадете до знаење на другата личност дека слушате што зборува таа.За да ја разберете важноста на ова, запрашајте се дали некогаш сте биле вклучени во разговор кога сте се запрашале дали другата личност слуша што зборувате. Се прашувате дали вашата порака се шири, или дали е дури и вредно да продолжите да зборувате. Се чувствува како да зборувате со ѕид од тули, тоа е нешто што секој човек сака да го избегне. Потребна е голема концентрација и одлучност да се биде активен слушател. Старите навики тешко се напуштаат, и ако вашите вештини за слушање се лоши како што се многу луѓе, тогаш ќе треба да работите многу за да ги напуштите овие лоши навики. Постојат пет клучни техники што човек може да ги користи, за да ги развие активните вештини за слушање: 1. Внимавање на она што го кажува говорникот.2. Покажување дека слушате.3. Обезбедување повратна информација.4. Одложување пресуда.5. Соодветно одговарање на конкретно поставените прашања. Одговори соодветн Со користење активни техники за слушање се станува подобар комуникатор, само на тој начин се подобрува продуктивноста на работното место и се развиваат подобри меѓучовечки односи....
Minеcraft омилена видео игра
јануари 11, 2021
Избор на уредникот / Технологија
Најпродаваната видео игра за минатата година е Minecraft, според гејминг листите за 2020 година.Истовремено, Minecraft е на врвот на листата на YouTube, на најгледани игри за 2020 годин Видеo играта на Мајкрософт има 201 милијарди прегледи оваа година, а Роблокс беше втор со 75 милијарди прегледи. Оваа неверојатно популарна игра има по 126 милиони играчи месечно. И покрај тоа што постои веќе 11 години, Minecraft е неприкосновено на врвот. Создадена од Mojang Studios што ги купи Мајкрософт, пред речиси шест години за 2,5 милијарди долари, а во тоа време, играта веќе беше продадена во повеќе од 50 милиони копии за компјутер, Xbox 360, PS3 и други платформи. Се смета дека ова е една од попаметните инвестиции на Мајкрософт, а неверојатниот раст на продажбата, од тој момент, па до денес, ги задржува играчите да се навраќаат на оваа игра, веќе со години. Minecraft е започната како домашен проект, дистрибуиран првично како Java аплет на веб-форум. Играта брзо ја долови фантазијата на илјадници гејмери што го обожаваат концептот на оваа инди-игра, која им дозволува на играчите да формираат средина со изработка и градење на конструкции од блокови. Играта создаде огромна заедница, истовремено и активно советување на YouTube за тоа како да се игра Minecraft. На овие видеа, редовно се споделуваат разновидни совети помеѓу милиони гледачи од сите делови на светот....
Повеќето луѓе не се психопати, напротив, сакаат да излезат од вителот, но и да не ги повредат останатите.
јануари 6, 2021
Актуелно / Избор на уредникот / Интервју / Филм
Повеќето луѓе не се психопати, напротив, сакаат да излезат од вителот, но и да не ги повредат останатите. Иако поминаа неколку години, македонската публика, со радост го очекува да го гледа и на телевизиските програми. Последен пат се прикажуваше за оваа Нова година, а вљубениците во филмот не ја пропуштија шансата пак да го впијат ова филмско дело. За филмот “Исцелител” не зборуваа само македонските медиуми и не остана само во срцето на македонската публика. За филмот, објавија рецензии и светските филмски медиуми, како „Холивуд репортер“, „Варајети“, „Синеуропа“ и други.Најголемиот шарм на филмот “Исцелител” се непретенциозноста и искреноста, филм што балансира меѓу семејна драма, црна комедија и социјален коментар. Публиката вистински го сака, го дочека со овации и воодушевување на премиерата на Фестивалот на европски филм „Синедејс“, а не беше помалку прифатен и на Солунскиот филмски фестивал, каде што ја доби наградата Фишер од публиката, прва награда од ваков тип, за македонски филм.Мотивацијата за да го сними овој филм е страшната состојба на македонскиот здравствен систем, премрежјата на еден млад човек што се обидува да го спаси својот родител од рак, барајќи алтернативни методи на лекување со канабис, при што влегува во низа неволји со локалните дилери и соседите што започнуваат да го сметаат за “исцелител”. Со Ѓорче зборувавме за создавањето на филмот. За неговите премрежја, како режисер, сценарист и продуцент, да го донесе ова филмско дело пред македонската публика. Што е она што “Исцелител” го направи толку посебен за македонската публика па посетеноста беше во толку голем број? Не сум сигурен дали беше една работа. Веројатно спој на повеќе. Прво филмот зборува за обичниот човек кој се мачи со проблеми како распаднатото здравство, корупцијата и криминалот, почувствувани од повеќето луѓе кои живеат на овие диви простори. Дополнително, главниот јунак се обидува да излезе од тој негов лавиринт на еден мирољубив начин, без да повреди никого, што исто резонира со гледачите. Иако се растргнати со проблемите што ги имаат, а насилството понекогаш изгледа како ефикасен начин на решавање на проблемите, повеќето луѓе не се психопати, напротив, сакаат да излезат од вителот, но и да не ги повредат останатите. И на крај, за гледаноста дополнително беше клучна семејната приказна. Кој човек нема нешто да раскаже за своето семејство? Што ти падна најтешко во врска со создавањето на филмот? Изгледаше како да нема крај. Во стил на познатиот парадокс на Зенон, се чувствував како филмот да тргнал неколку стотина метри пред мене, а јас иако сум побрз, во моментот кога ќе стигнам до точката каде што тој се наоѓаше претходно, сфаќам дека тој поминал некакво мало растојание и сега не ми е на дофат. Потоа повторно ќе дадам сè од себе и навидум брзо ќе ја надоместам неговата предност, меѓутоа кога ќе стигнам таму каде беше пред малку, гледам дека сепак филмот се поместил уште една педа и така до недоглед. Како режисер и продуцент на филмот, најголемиот товар, финансиски и креативен падна на мојот грб. Јас бев гарантот на филмот, осигурителната полиса и не можев во ниеден миг да исчезнам од неговиот живот. Тоа ме истроши. Што ти беше најубавиот момент во врска со филмот? Моментот кога заврши снимањето на филмот за мене беше најубавиот момент од целиот процес. Многу се плашев од снимањето. Години пред да ја удриме првата клапа, ми го земаше сонот. Тоа е толку деликатен и комплициран потфат и многу нешта може да скршнат во погрешна насока. Прво, многу е скапо и тешко да се придвижи целата машинерија наречена снимање на игран филм. И кога ќе тргне, за жал, колку и да се добри подготовките, не зависи сè од тебе. Може да не се погодат временските прилики, може да се случат технички проблеми, здравствени, секакви. За среќа сè помина во најдобар можен ред и јас бев пресреќен. На што се должат многубројните награди во светот? Постои ли формула за да се создаде успешно филмско дело? Не мислам дека има формула. Често го гледаме тоа во Холивуд. И покрај нивниот шаблонски начин на раскажување кој би требало да предвиди успех, често се случува некој филм неочекувано да блесне иако никој не му давал сериозни шанси на почетокот. И обратно, постојат бројни филмови кои на хартија ветуваат успех заради нивниот избор на актери, големиот буџет и поддршката од големите дистрибуциски студија, а сепак филмот доживува неуспех на крај. Што те инспирираше да го снимиш филмот? Сметаш ли дека филмот има социјален импакт кога станува збор за лекувањето со канабис, во смисла менување на свеста кај јавноста во однос на растението? Инспирација ми беше животот кој го гледав околу мене. На пример се мачев со сериозни стомачни проблеми со месеци и движејќи се низ институциите јасно го видов распадот на македонското здравство. И тоа ме заболе. Носам и семејни лузни, израснат со самохрана мајка која се бореше со сиромаштијата, неправдите и патријархалното балканско размислување и тоа беше основата за семејната драма меѓу синот и таткото. Во однос на второто прашање, да бидам искрен не сум сигурен колку филмот ја смени перцепцијата за користењето на марихуаната. Знам неколку пријатели кои ми пренесоа дека филмот дефинитивно го сменил односот на нивните постари родители. Можеби поради хуморот и лесниот пристап, по гледањето на филмот тие веќе не гледаат осудувачки кон корисниците на марихуана. Еден другар дури ми спомна дека татко му се осмелил да проба џоинт на некоја домашна забава и убаво си поминал, се смеел и играл цела вечер. Дали успехот на “Исцелител” ти отвори врати за полесно остварување на идни проекти? Успехот има позитивни, но и негативни ефекти. Можам полесно да најдам пари, меѓутоа сум во зона на внимание. Очекувањата знаат да натежнат и да бидат дополнителен проблем. Со „Исцелител“ делував под радар да речам. Бев ослободен од големи очекувања. Сега очите се свртени кон мене и тоа ми пречи. Дали нешто му недостига на македонскиот филм? Би сакал да видам повеќе средства за развој на сценарија. Во оваа земја режисерите и сценаристите се принудени да работат друго за да преживеат. Веројатно како и повеќето. Меѓутоа има побарување за приказни. Сведоци сме на наплив млади режисери, кои имаат што да кажат, со свежи и храбри приказни кои освојуваат успеси на светските фестивали. Убаво би било да се искористи целиот тој успех и да се вложи таму кај што е најпотребно: во генерирање на идеи за филмови. Се надевам ќе се сменат работите и ќе се создаде издвоен буџет за развој на филмови. Ни спремаш ли нешто ново? Да. Еден долг филм, еден краток и многу фотографии. Очекувајте ме....
Росица Мршиќ: Креациите зборуваат на сопствен јазик
декември 13, 2020
Актуелно / Избор на уредникот / Интервју
Модниот дизајнер Росица Мршиќ веќе подолго време е дел од македонската модна сцена со своите оригинални и интересни модели. Своето образование го стекнала на Факултетот за визуелна уметност и дизајн во Утрехт, Холандија и на Школата при Уметничкиот институт во Чикаго.Таа, веќе со години наназад, не изненадува со необични, храбри и целосно автентични дизајнерски парчиња, за што има и бројни номинации и награди, не само во Македонија, туку и во Европа. За модниот дизајн, нејзиниот пристап кон креирањето, таа ни ја кажа својата перспектива. Вашите парчиња се поетични и многу женствени. Од каде ја црпите инспирацијата? Инспирација се црпи од секојдневието и од личниот интерес и фокус. Мешавина од импулс, љубопитност, барање на нови креативни решенија, будно око и контенплација за да се создаде нова форма, што ќе биде естетски и идејно оправдана, и ќе зборува на сопствениот јазик. Кои дизајнери ги сметате за учители и што е есенцијата што еден искусен учител во модата може да ги научи своите ученици? Искуството и знаењето на дизајнерите се стекнува преку години работа и посветеност на себе-откривање, осознавање и поместување на креативните граници, и постојан развој на сопствените вештини. На светско ниво, има неколку дизајнери чија работа ја следам и ме воодушевува. Мое мислење е дека секој дизајнер, за да биде во чекор и чекор пред времете во кое твори, мора добро да ја познава историјата на модата и да ја следи работата на дизајнерите низ светот. Дизајнерите чија естетика ја сметам за иновативна, автентична и блиска до мојот сензибилитет се: Dries Van Noten, Roksanda Ilincic, Prada, Marni, Christian Wijnants, Emilia Wickstead, Delpozo, Narcizo Rodrigues, Alessandro dell’Acqua… Најважното учење што еден предавач може да го пренесе и да го поттикне својот ученик е да му помогне да го дефинира сопствениот потпис и естетика на творење, да го мотивира постојано да биде иновативен и да не се потпира на својата комфор зона, будно и љубопитно да пристапува кон се што го опкружува, и да гради професионален и темелен однос кон професијата…. Каков е совршениот крој за вас? Тој на кој се поминуваат часови и часови работа и размислување, и кога ќе се постигне точката каде сите прашања, дилеми, опции и недоумици се разрешени, кројот е совршен и оправдан да биде создаден… Која е модата што е изворот од каде што протекува вашата креација, што е она што им недостасува или ги кочи македонските дизајнери да блеснат на светската модна сцена? Македонската сцена е релативна млада и според мене недоволно развиена, за да биде атрактивна на глобалната сцена. Тоа што е пречка за многумина дизајнери е недостапноста и ограниченоста за набавка на репро материјали, недостаток од производствени капацитети кои би застанале зад поголеми нарачки, недоволната помош од државата за промовирање на модниот дизајн надвор од нашите граници… Сите скромни чекори на малкумина дизајнери за промоција на македонскиот моден дизајн, се сведуваат на привремени презентации на своите колекции надвор од државата за кои се потребни големи вложувања за да се биде присутен на интернационалната сцена. Кој е процесот креациите на еден моден дизајнер да стигнат во вистински раце и да биде препознаен? Процесот на промоција на еден бренд, и дизајнерска работа не се случува преку ноќ. За еден бренд да стане препознатлив и да го изгради својот имиџ се потребни неколку години. На светско ниво, новинарите, уредниците, агентите се тие кои ги препознаваат талентите и на тој начин работите стигаат во вистински раце. Кај нас работите се поинакви. Малата и скромна сцена се развива на начин на кој поединецот дизајнер се обраќа директно на своите потенцијални клиенти, и на тој начин нема многу опции за поголема присутност и препознатливост во средината. Кои се модните куќи што се отворени за соработка со млади, нови или не толку светски етаблирани модни дизајнери? Во рамки на македонската текстилна индустрија во моментов има мал број на модни куќи. Тие најчесто се бават со конфекциско производство кое главно е наменето за потребите на деловните жени. Мојот став е дека на младите дизајнери им е потребно почетно работно искуство во поголеми производствени системи за да се доближат до индустријата и да стекнат искуство во професијата. И ја поздравувам поголемата соработки помеѓу индустријата и дизајнерите, затоа што тоа придонесува за поквалитетни домашни производи, ја подигнува свеста за домашниот производ, и ја зајакнува домашната модна сцена. Што би ја посоветувале (од естетски, моден аспект) македонската жена? Стилот и естетиката не е врзан само со облеката и модата. Стилот е личниот избор и став кон се она што го исполнува нашето секојдневие: како го уредуваме домот, како се однесуваме, што јадеме и како го градиме односот со опкружувањето. Облеката и модата се само мал дел од целата приказна. Жена со стил е жена која се познава себе си и на најдобар начин визуелно се претставува, преку внимателно и соодветно избрани модни парчиња и модни додатоци, кои создаваат балансиран, изгладен и рафиниран имиџ....
Ja имав таа привилегијата да учам од тоа слепо животинче
декември 11, 2020
Актуелно / Избор на уредникот / Каскадер
Пишува: Мери Јордановска Често ние членовите за заштита на бездомните животни знаеме да бидеме престроги кога станува збор за купување домашни миленици, па дури и да претераме со инсистирањата да се посвои куче или маче. Но, со текот на годините сфатив дека тоа не може да се наметне како одреден стандард, ниту како правило, а последната случка и ми докажа дека некогаш животните нè бираат нас, а не ние нив. Како да ни се појавуваат пред очи и во моментот кога ќе ги земеме в раце, да знаеме: „Не те давам никому, не те оставам“. Без разлика дали миленикот е расно куче или маче, дали има хендикеп, каква е неговата боја на крзното. Едноставно, знаеме.Баш така се случи Тајсон во мојот живот. Маченце од 300 грама застанато пред гаражата на моите родители, стуткано во ќошот, исплашено, како да го носи сиот терет на светот. Пробав да му се доближам, но толку испаничено побегна, удирајќи се од ѕидови и туркајќи се во моторот од најблискиот автомобил. Веднаш забележав дека ова мало кревко суштестество не гледа и дека има тешка инфекција на очите. Истрчав до аптека да купам маст и кога се вратив, токму во автомобилот каде што беше скриен, влегуваше човек за да го запали. „Застанетееее, ве молам не ја палете колата, имате маченце во моторот“, свикав.Човекот нервозно излезе од автомобилот, ја отвори хаубата, го грабна мачето и буквално го фрли на улицата, како да е смет кој му ја извалкал колата. Тогаш следуваше уште получасовно бркање по улицата. Го фатив и го погледнав мачето, но тоа не можеше. Очите му беа комплетно затворени, инфицирани, не знаеше на каде да се движи, паѓаше. И во тој момент знаев дека никогаш нема да го оставам. Го однесов во ветеринарната станица и реакцијата на д-р Ивица не беше најоптимистична. „Ќе гледаме да му го спасиме барем едното око“. Ветеринар, инекции, дома, ветеринар, инекции, дома, секој ден. Тајсон ниту еднаш не пушти глас. Не замјаука. Не мјаука дури ни сега, пет месеци подоцна.Едното око мораше да му се отстрани комплетно, откако инфекцијата се прошири и постоеше опасност да стигне до мозокот. Во очите имаше конци, а во моите очи само солзи кога дојдов да го земам од ветеринар, а тој се залепи за мене, како да сум му последната трошка надеж. „Дали барем нешто гледа со другото око?“, прашав. „Да, но само некои сенки“, ми одговори ветеринарот. Дојдов дома, го гушкав силно и без престан плачев. Никогаш сум немала контакт со слепо животинче. И токму во месеците кога коронавирусот земаше залет, јас ја имав привилегијата да учам од тоа слепо животинче, поминувајќи цели денови со него. Тој сепак е среќен. Тој се радува кога ќе види сенка и игра со неа, како да е играчка. Се радува кога ќе ги чуе птиците надвор, па пушта чудни звуци – иако не ги гледа, тој воспоставува контакт. Тајсон нè смее. Знае да се качи по скалите од галеријата во станот, но никако не знае да се симне, па должни сме по цели денови да изигруваме „таксисти“, симнувајќи го, а тој преде во знак на благодарност. Процес беше додека да го научи станот, па поминаа можеби два месеци и се навикнавме кога ќе слушнеме јак звук – знаевме дека Тајсон си ја удира главата од нешто, играјќи си и не гледајќи ја препреката пред него. Сега не се ни обидуваме да направиме разместување во станот, бидејќи тој знае точно сè каде се наоѓа, па страв ни е дека секоја промена ќе носи нови „потреси на мозок“. Понекогаш тоа ни делува и смешно, бидејќи знае да се удри од фрижидерот, фотелјата, радијаторот, толку силно, што и мене ме здоболува, а тој продолжува да си игра, како ништо да не било. Не гледа, па затоа останатите сетила му се поразвиени. Реагира бурно на секој звук и морам да признаам дека во животов не сум слушнала мачка да преде толку гласно. Фасцинантно е да се гледа едно слепо маче како расте и како нè учи – дека живите суштества можат да се приспособат на секоја ситуација и притоа да бидат благодарни што се живи и сакани. Тајсон можеби не гледа, но нас нè научи да ги гледаме работите со поинакви очи. И кога ќе ме погледне, секогаш имам чувство како да ми намига, со поглед кој вели, „гледаш дека сè може да биде во ред“. ...
Ива Дамјановски: децата се бесмртни, а возрасните не се
декември 8, 2020
Актуелно / Избор на уредникот / Интервју
Како се создаде песната „Дете“ Ива Дамјановски е добитник е на наградата „Игор Исаковски“ за најдобар дебитантски поетски ракопис во 2017 г. Нејзината стихозбирка „Тие“ е издадена во 2017 година од издавачката куќа Блесок. Во 2020 е издадена и нејзината втора стихозбирка „Двоумење”, за која и е доделена наградата „Браќа Миладиновци“ на Струшките Вечери на Поезијата. Поезијата на Дамјановски е преведувана на српски, грчки, хрватски и словенечки јазик.Таа всушност e млада пијанистка од Скопје. Но, нејзината песна „Дете“ е нешто што одамна вака не одекнало помеѓу македонската публика. Дете Децата не се луѓе.А луѓето им љубоморат на децатаи затоа ги фаќаат за рачеи им велат:ова земја е,ова трева е,ова гроб е,ова цвет е,а ти – дете. Децата не се луѓе.А луѓето им љубоморат на децатаи затоа ги фаќаат за рачеи им велат:ова сон е,ова пластика е,ова закон е,ова ред е,а ти – дете. Децата не се луѓе.А луѓето им љубоморат на децатаи затоа ги фаќаат за рачеи им велат:ова телефон е,ова пари се,ова војна е,ова грев е,ова – светец,а ти – дете. Децата не се луѓе.Луѓето им љубоморат на децатаи затоа ги фаќаат за рачеи им велат:ова рака еи раката мора да крвави,да пита,да копа,да пишува,да плете,раката на секој човеки на секое дете. Ама децата не се луѓеи луѓето им љубоморат на децатабидејќи децата се бесмртни,а луѓето не сеи затоа ги учат декамора да се спие,да се јадеи никако да не се оди босза да се преживее. И децата верувааткога им се вели:ова смрт е,ова небо е,ова свет е,а ти – само дете. Со сурова љубопитнострастрчаните децаненадејно запираати иако се раѓаат бесмртни,учат да умираат. Ја прашавме Ива како ја создаде „Дете“? Песна што е како активиран вулкан од емоции, нешто што малкумина умеат, песна без задршка, без артифициелност, во крајна линија без грам товар. Она нешто недофатливо, што го поседува поезијата на великани, тоа нешто го држела Ива в рака и ни го даде експлозивно, токму тука, во „Дете“.Еве што ни раскажа таа за раѓањето на песната: „Дете“ е напишана пред неколку години и не ми беше воопшто предвидена за објавување, не успеа да влезе во мојот избор за дополнетото издание на „Тие“ и иако оние неколкумина што ја имаа прочитано пред да излезе „Двоумење“ имаа позитивни коментари за неа, јас лично сметав дека не е доволно добра. Кога го подготвував изборот за втората збирка и се навратив и ја допишав последната строфа и мислам дека тоа ја направи сета разлика (барем за мене). Мислам дека ова е и поврзано со предизвикот кој си го зададов, а тоа е да одговорам комплементарно на содржината и преку стилот, пишувајќи ја песната со едноставни зборови и стил на римување типичен за поезијата наменета за деца. Тука се јавува проблемот на рамнотежата помеѓу возвишеното детско и пејоративното инфантилно, нешто што јас постојано го барам во она што го пишувам, без оглед дали се работи за музика, поезија или проза, а и во себе си. Најчесто ги пишувам песните околу некоја многу конкретна идеја или стих; кај „Дете“ тоа беше идејата дека децата се раѓаат сосем чисти, без поим за ништо што е зло, тоа е она што се учи, па мислев дека е интересно ако метафората се пренесе и на самата смртност: „децата се бесмртни, а возрасните не се“ – смртноста и несовршеноста се нешто што се учи, а светот кој го создаваат возрасните често ми изгледа дека се обидува тоа и да го охрабри. Восхитот од детското е дефинитивно тема која се провлекува во „Двоумење“ (многу ми беше драго што ова беше потенцирано во освртот од страна на комисијата на СВП) и има и други песни во кои е очигледна мојата лутина кон заборавањето и негрижата за детското и песимизмот во кој растат децата денес, како што е на пример и „Песна за мирот на барем три јазика“.Многу ми е драго ако оваа порака допира до читателите, бидејќи сметам дека човештвото нема поважна задача од потполна посветеност на создавање подобар свет што ќе мораат да го наследат идните деца и дека нема ништо повозвишено од тоа да се зачува детскиот поглед, полн со безмилосна љубопитност и едноставна љубов кон светот....
Facebook
Instagram
Twitter
Previous
Next
Дома
Арт
Зошто музиката предизвикува морници?
Модни трендови што треба да исчезнат во 2021
Серија што не се пропушта : The OA (Original Angel)
Нови книги за уметност
Мода
Филм
Уметност
Музика
Серии
Фотографија
Литература
Здравје
Дали примањето (додатоци) суплементи од минерали и витамини е секогаш добро?
Зумба – фитнес-танцување
Храна што не може да ве здебели
Црвено вино за добар сон
Храна
Нега
Вежбање
Живот
Дали е во ред вашето куче да спие во вашиот кревет?
Еван Рејчел Вуд и други жени го обвинија Мерилин Менсон за злоупотреба
Канцелариската работа од 9 до 17 е на раб на исчезнување
Шицу, нежно куче за нежни сопственици
Каскадер
Колумна
Интервју
Духовна гимнастика
Љубов
Психологија
Есенција
Технологија
За нас
Импресум
Контакт
0
%
✕
Најави се
Social connect:
или
Име
Лозинка
Запамти ме
Го изгубивте вашиот пасворд?
✕
Затвори
Дома
Арт
Мода
Филм
Уметност
Музика
Серии
Фотографија
Литература
Здравје
Храна
Нега
Вежбање
Живот
Каскадер
Колумна
Интервју
Духовна гимнастика
Љубов
Психологија
Есенција
Технологија
За нас
Импресум
Контакт
✕
Дома
Арт
Мода
Филм
Уметност
Музика
Серии
Фотографија
Литература
Здравје
Храна
Нега
Вежбање
Живот
Каскадер
Колумна
Интервју
Духовна гимнастика
Љубов
Психологија
Есенција
Технологија
За нас
Импресум
Контакт
Latest Posts
Премиера на серијата “The One” на Нетфликс
Мода со познати мачки
Зошто е добро да го знаете својот Мајерс-Бригс тип?
Дали примањето (додатоци) суплементи од минерали и витамини е секогаш добро?
Авокадо – изобилство љубов
